Merkato Milan po përjeton një fazë status quoje si në hyrje ashtu edhe në dalje. Arsyet dhe skenarët që e kanë shtyrë klubin Rossoner për të hedhur këtë hap
A po përjeton merkato Milan një fazë ngadalësimi? Kjo është pyetja e ngritur me kërshëri dhe me shqetësim nga një pjesë e mirë e tifozerisë kuqezi në këto momente. E drejtë për t’u diskutuar, akoma më e drejtë për t’u thelluar mbi këtë në temë.
Sipas mendimit tonë, është e vërtetë që deri më sot, praktikisht në mesin e korrikut, Milani ka bërë diçka më pak se sa ishte planifikuar. Askush nuk mendonte se do ta kishin gati skuadrën për deri në datën e grumbullimit të madh, por ndoshta shpresohej që disa situata, si në hyrje ashtu edhe dalje, të mund të kishin gjetur një zgjidhje më të shpejte.
Kohët e merkatos
Dhe këtu arrijmë tek të famshmet kohë të merkatos. Ka momente në të cilat gjithçka përshpejtohet, dhe të tjera ku mbi gjithçka mbizotëron pluhuri. Jo gjithmonë na jepen menjëherë sqarime; ka raste që mjafton një telefonatë për të zhbllokuar gjithçka. Merkato është e paparashikueshme dhe, në disa raste, bëhet mbretëria e paqëndrueshmërisë.
Besojmë se Igli Tare mendonte se mund t’i mbyllte brenda dhjetë ditëve të para të korrikut tri shitje të tjera, të cilat, për arsye të ndryshme, dështuan. Po flasim për Thiaw dhe Morata te Como dhe Musah te Napoli apo te njëri prej klubeve angleze të interesuara. Nëse këto tre shitje do të ishin materializuar, buxheti i merkatos Milan do të ishte rritur edhe me rreth 65-70 milionë euro të tjera. Me pak fjalë shifra të rëndësishme, jo lekë xhepi.
Refuzimi i Thiaw për të shkuar te Como, situata komplekse rreth pështjes së huazimit të Moratës te Galatasaray dhe tërheqja e Napolit nga negociatat për Musah janë tre evente që kanë krijuar një fazë ngërçi, në të cilin është e rëndësishme të dish të presësh dhe, eventualisht, të dish të ponderosh kundërmasat e duhura.
Perspektivat
Këto pra janë arsyet që e kanë çuar merkaton Rossonere në këtë fazë ngërçi. Oportune, sidoqoftë, janë edhe perspektivat. Sepse veprimi në kohë, në merkato, është gjithçka dhe Igli Tare e di mirë se duhet të jetë në gjendje të reagojë ndaj eventeve të paparashikuara me një sërë planesh alternative. Si përsa i përket lojtarëve, ashtu edhe strategjive të blerjeve.
