Midis objektivave të ndryshme të Rossonerëve, padyshim ai më i madhi mbetet qendërsulmuesi. Kështu pra, siç jua kemi thënë që me zbarkimin e tij te kuqezinjtë, Allegri dëshiron një bomber të ri për Milanin e tij për ta vënë të luajë përkrah Gimenez.
Vetë Tare ka konfirmuar se gjatë merkatos verore do të vijë një qendërsulmues cilësor, me karakteristika të ndryshme nga ato të meksikanit.
Në këtë rast bëhet fjalë për një referencë të zonës së penalltisë, një qendërsulmues boa, fizikisht të fortë dhe mbi të gjitha shkatërrimtar para portës. Milani, veç për ta bërë këtë goditje vërtet të madhe, do të kishte rënë dakord edhe për një ekstra-buxhet që do të ishte i destinuar vetëm për sulmuesin e ri.
Lexo më shumë
Në orbitën e Rossonerëve kanë përfunduar shumë sulmues të kalibrit të lartë. Por kush do të mund të zbarkonte vërtet në Milanello? Ne jemi përpjekur t’i përgjigjemi kësaj pyetjeje në bazë të hulumtimeve tona, të mbështetura të gjitha nga burime pranë casa Milan, të përditësuar me të gjitha përqindjet duke filluar nga blerja më e vështira e deri tek ajo më e mundshmja: le të shohim së bashku se cilët janë emrat e vënë në shënjestër të njerëzve të merkatos Milanit…
- 1%
Gyokeres
Bomberi suedez nuk mund të mos pëlqehet dhe shumë madje, por kushton shumë. Jashtë mundësive të Milanit, praktikisht zero shanse. - 5%
Osimhen
Pavarësisht zërave të shumtë që qarkullojnë, veçanërisht gjatë ditëve të fundit, Osimhen mbetet po ashtu një objektiv absolutisht jashtë mundësive të Milanit. - 10%
Embolo
I është propozuar Milanit. Kostot do të jenë të përmbajtura, por zvicerani nuk duket se i intrigon në mënyrë të veçantë Rossonerët. - 15%
Guirassy
Një dëshirë e vjetër e Milanit që është rikthyer në modë, veçanërisht kohët e fundit. Edhe në këtë rast, megjithatë, kostot do të ishin të tepërta për arkat e kuqezinjve. - 20%
Nunez
Uruguaiani është afër Napolit të Contes. Për momentin, pra, mbetet thjesht një sugjerim i ftohtë në optikën Milan. - 25%
Lucca
Edhe italiani gjithashtu duket shumë afër Napolit. Por kini kujdes. Në rast mosarritje akordi me Azzurrët, kuotat e tij mund të rriteshin papritur për te Milani. - 30%
Retegui
Objektiv konkret, që e pëlqejnë si Tare ashtu edhe Allegri. Megjithatë, Atalanta qëllon shumë lart: rreth 55/60 milionë euro. Shumë. - 40%
Dovbyk
Një tjetër dëshirë e vjetër e Milanit, që është rishfaqur gjatë orëve të fundit. Për cilësinë, karakteristikat dhe çmimin, mund të përfaqësojë një opsion shumë intrigues për Rossonerët. - 45%
Mitrovic
Serbi do të donte të rikthehej në Evropë. Por ai ka një pagë të frikshme te Al-Hilal (25 milionë euro në sezon), të cilën me siguri do të duhet ta ulë. I pëlqen Tares, çmimi i kartonit nuk do të ishte shumë i lartë. - 55%
Vlahovic
Mbetet gjithnjë zgjedhja e parë e Allegrit për të përforcuar repartin e tij ofensiv. Është në largim nga Juventusi, i cili do të ishte i gatshëm të pranonte një shumë modeste (rreth 20/25 milionë) për ta shitur menjëherë madje mund edhe t’i paguante menjëherë një dëmshpërblim lojtarit, çfarë do të thotë se futbollisti mund të kërkonte më pak përsa i përket pagës. Sepse për tani, paga e tij e lartë është pengesa që duhet kapërcyer për Milanin, i cili mbetet në pritje të Vlahovic dhe pret zhvillime.
Por, jo vetëm sulmuesit. Përkundrazi! Te Milani duket sikur ka nisur Revolucioni i madh! Lajme të reja dhe shumë të mëdha kanë mbërritur këto orë që kanë lidhje me merkaton Rossonere.
