Merkato : një superlojtar për Milanin, Di Marzio konfirmon gjithçka

Sezoni i Milanit do të mbyllet përfundimisht pas miqësores kundër Romës, por është e qartë se klubi që tani ka nisur punën për projektin e ri kuqezi. Një cikël që do të drejtohet nga një trajner i ri, me Fonsekën gati për t’u ulur në stolin e Milanit. Një zgjedhje që tashmë duket se është e bërë edhe pse nuk gëzon favorin e një pjese të madhe të tifozëve kuqezi. Është pikërisht kjo një nga arsyet se pse tani merkato e kësaj vere për Milanin do të ketë më shumë rëndësi përsa i përket dhënies së përgjigjeve konkrete popullit me besimit milanist i cili kërkon një projekt ambicioz.

Dhe me sa po shohim drejtuesit në këtë drejtim po ecin. Padyshim ata po mendojnë edhe për kërkesat dhe nevojat e Fonsecës. Do të nevojiten blerje të mëdha. Dhe për një nga këto, një lajm padyshim interesant ka mbërritur në orët e fundit: ja çfarë flitet rreth kësaj çështjeje dhe çfarë konsideron të besueshme eksperti i mirënjohur i merkatos, Gianluca Di Marzio.

Goditje e madhe

Pas lajmeve që ju kemi raportuar orët e fundit, kanë mbërritur konfirmime edhe nga eksperti i njohur Di Marzio për takimin e zhvilluar orët e fundit në Casa Milan midis klubit kuqezi dhe agjentëve të një objektivi të madh të merkatos së Djallit. Ja çfarë ka zbuluar eksperti i merkatos në faqen e tij zyrtare: “Është mbajtur një takim midis drejtuesve të Milanit dhe agjentëve të Emerson Royal. Mbrojtësi anësor në pronësi të Tottenhamit, është një nga objektivat e parë për në krahun e djathtë të Milanit [… ] ishte një takim i parë eksplorues, objektivat e kuqezinjve janë të lëvizin për disa lojtarë të korsisë së djathtë dhe mbrojtësi brazilian është pjesë e listës së karakteristikave të kërkuara. Kontakte shumë konkrete pra për për anësorin e djathtë klas ’99, i cili ka një kosto që duhet të jetë rreth 25/30 milionë euro. Milani, pra, po lëviz dhe nuk ka mbaruar këtu.