Merkato nën flamurin kuqezi: Lamtumirë Inter, shkoj te Milani! Tare synon t’u kthejë kusurin e munguar ‘kushërinjve’

Në një merkato që premton të jetë ndër më të çmendurat e viteve të fundit, Milan mund të kryejë një nga transferimet më të forta të viteve të fundit: marrjen e një lojtari nga Interi.

Një lajm që ka nisur si thashethem, por që po fuqizohet dita-ditës falë interesimit të drejtpërdrejtë të drejtuesve kuqezi dhe pëlqimit të teknikut Allegri.

Mes nevojave të skuadrës dhe një mundësie të artë, kuqezinjtë po analizojnë një operacion që do të shkaktonte një tërmet të vërtetë futbollistik jo vetëm në Milano.

Një hipotezë që po merr formë nga ora në orë

Po flasim për Davide Frattesin, një prej mesfushorëve më fizikë, më modernë dhe më dinamikë interistë, i cili ka hyrë fuqishëm në listën e merkatos që po studion drejtori sportiv Igli Tare.

Mesfushori klas 1999, aktualisht një element i rëndësishëm i Interit, shihet si profili ideal për të shtuar energji, depërtim dhe gol në mesin e fushës së kuqezinjve.

Allegri e vlerëson prej kohësh lojtarin, ndërsa Tare e ka ndjekur me vëmendje qysh në kohën në kohët e Lazios. Emri i Frattesit sot është në bllokun e kreut të zonës sportive Rossonere.

Tensioni ndërmilanez: transferimi që mund të ndryshojë raportet

Nëse një lojtar largohet nga Interi për të kaluar tek Milan, kjo nuk është thjesht një lëvizje merkatoje: është një akt që ndryshon sezonin, që ndez në kulm rivalitetin më të ashpër të Serie A dhe që krijon një tjetër kapitull epik në “derbin e Madoninës”.

Interi e vlerëson mesfushorin 30–35 milionë euro, por elementi vendimtar mund të bëhet vetë vullneti i lojtarit. Burime flasin për një dëshirë në rritje të Frattesit për të gjetur më shumë minutazh dhe përgjegjësi në fushë, diçka që te Interi nuk po e gjen plotësisht.

Në vend të kujt?

Deri tani, duhet thënë qartë: nuk ka negociata të hapura mes palëve. Milan po e ndjek rastin nga larg, duke analizuar situatën dhe duke pritur lëvizjet e tjera, si një skuadër e interesuar, por ende jo e gatshme për ta konkretizuar sulmin.

Por skenari ndryshon nëse:

• largohet Fofana, ose
• Loftus-Cheek vendos të kërkojë më shumë hapësira diku tjetër.

Nëse njëri nga dy mesfushorët “del”, atëherë Tare është gati të nisë sulmin e tij ndaj Interit për të siguruar shërbimet e Frattesit.

Më shumë se një lëvizje merkatoje: është një goditje psikologjike

Ky operacion nuk është vetëm sportiv. Nëpërmjet tij, Milani kërkon të:

• Forcojë një repart që ka nevojë për energji të reja
• Dërgojë një sinjal të fortë tek rivalët
• Ndërtojë një skuadër që mund të luftojë për Scudetton

Frattesi është profili perfekt: i ri, italian, me rritje të vazhdueshme, me eksperiencë në Serie A dhe me potencial për t’u bërë një lider i së ardhmes.

Pista e nxehtë e merkatos: mbi të gjitha, një skenar për t’u ndjekur me vëmendje

Edhe pse tratativa konkrete nuk ka, skenari është shumë i gjallë. Interi e di se interesimi për lojtarin është i madh dhe se ai mund të kërkojë hapësira të tjera.

Milan është gati të përfitojë, sidomos nëse çmimi i lojtarit bie falë presionit të vetë mesfushorit.

Në lojë janë edhe disa klube të tjera, por kuqezinjtë konsiderohen si një nga pistat më të forta dhe më serioze, sidomos për shkak të vullnetit të Allegrit.