Merkato, ndizet derbi Milan-Inter: në shënjestër Dybala i ri dhe një aferë prej 40 milionë euro

Ndizet merkato dhe që tani parashikon një derbi të ri të zjarrtë mes Milanit dhe Interit: kush është Dybala i ri rreth të cilit po puqin brirët dy milanezet e mëdha. Afera 40 milionëshe që po trullos tifozët e të dyja anëve

Rivaliteti mes Milanit dhe Interit së shpejti mund të nxehet edhe më shumë, me të dyja skuadrat milaneze që kanë vënë në shënjestër të njëjtin objektiv merkatoje: një talent të ri që shumë ditët e fundit po e krahasojnë me ish Juventusin, Paulo Dybala. Lojtari në fjalë ka një vlerësim prej rreth 40 milionë euro dhe konsiderohet si një nga perspektivat më të mëdha në skenën e futbollit ndërkombëtar.

Interi, falë përvojës dhe burimeve ekonomike në dispozicion, duket i gatshëm të bëjë një lëvizje dhe t’i lerë pas kushërinjtë kuqezi, duke e rrëmbyer këtë talent përpara se Milani t’i afrohet negociatave. Konkurrenca mes dy skuadrave nuk ka qenë kurrë më e lartë dhe, në një moment kaq delikat në merkato, sfida për ta blerë lojtarin mund t’i shtojë një kapitull të ri në rivalitetin historik mes klubeve.

Milan, kujdes nga Interi

Tani Milani do të duhet të përshpejtojë dhe të përpiqet ta fitojë këtë “garë” për talentin, me objektivin për të mos u parakaluar nga Interi, i cili mund edhe të bëjë goditjen vendimtare nëse Milani nuk reagon me shpejtësi. Kjo situatë ushqen më tej tensionin mes dy skuadrave, të cilat konkurrojnë jo vetëm për kreun e kampionatit, por mesa po duket kanë edhe të njëjtat objektiva në merkato.

Kush është talenti që kërkohet nga Milani dhe Interi

Në qendër të kësaj historie dëshire dhe konkurrence është një talent i ri argjentinas, Franco Mastantuono, i cili luan për River Plate. Milani, siç thamë, nuk është i vetmi klub që i ka hedhur sytë te Mastantuono. Sipas të rejave më të fundit të zbuluara nga kolegët e të përditshmeve sportive Il Corriere dello Sport dhe Tuttosport, është edhe Interi, rivali i hidhur i përjetshëm i kuqezinjve, ka shfaqur një interes konkret për argjentinasin e ri. Madje, ka qenë Dario Baccin, njëri prej drejtuesve Interit, ai që ka fluturuar drejt Argjentinës, duke vënë në pah seriozitetin e synimeve të nerazzurrëve ndaj lojtarit. Kjo lëvizje padyshim ka shtuar më tej tensionin mes dy klubeve milaneze, duke e detyruar Milanin të vlerësojë shpejt hapat për të ardhshmen që të mos e humbin shansin për të sjellë në Milanello një talent që shumë besojnë se do të jetë një nga protagonistët e ardhshëm të futbollit botëror.

Strategjia e Milanit

Përballë kësaj situate, Milani gjendet në një udhëkryq: të përshpejtojë kohët për të paraqitur një ofertë konkrete për River Plate apo të rrezikojë e ta shohë t’i ikë nga duart mundësia, në favor të Interit. Vendimtare në këtë fazë do të jetë strategjia e Geoffrey Moncadës, njërit prej arkitektëtve kryesorë të politikës së transferimeve të Milanit. Aftësia e tij për të vlerësuar talentin e ri dhe për të lidhur marrëveshje do të vihet në provë në këtë mjedis delikat merkatoje.