Për tani, merkato Milan ka prodhuar më shumë sakrifica të mëdha sesa blerje të rëndësishme. Reijnders është shitur tashmë dhe Maignan është mjaft afër një transferimi te Chelsea, pavarësisht se Allegri dëshiron të përqendrohet tek ai. Pa harruar se në lojë janë edhe emra të tjerë big në largim, si Theo Hernandez – për të cilin luftojnë Al-Hilal dhe Atletico Madrid – dhe Rafael Leao – shumë i kërkuar nga Bayern Munich. Megjithatë, tani, Max Allegri pret dhe kërkon edhe blerje të mëdha në merkato për të rilançuar projektin e ri teknik të Rossonerëve. Luka Modric, përveç ndonjë surprize, do të jetë figura e parë me përvojë dhe cilësi të madhe që do të përfshihet në puzzellin Milan për sezonin e ardhshëm, por merkato e ardhshme do t’i japë trajnerit të Rossonerëve edhe shumë lojtarë të tjerë, të rinj e të mëdhenj. Në veçanti, Allegri ka në mendje të paktën 7 emra bug mbi të cilët do të vinte bast me sytë mbyllur për Milanin e tij: ja cilat janë të gjitha objektivat e ëndrrave të Max
1) 40 milionë euro
Fillojmë me goditjen e parë, duke nisur natyrisht me rolin e portierit. Me largimin e Mike Maignan, në fakt, Milani do të ketë absolutisht nevojë për një numër 1 të ri titullar që të ofrojë garanci dhe që të jetë një siguri. Siç ju kemi njoftuar tashmë gjatë orëve të fundit, Tare tashmë e ka bllokuar Vanja Milinkovic-Savic të Torinos, por dëshira e vërtetë e Allegrit do të ishte një tjetër. I referohemi Mile Svilar të Romës, portierit serb klas ’99 që vjen nga një sezon i jashtëzakonshëm me Giallorossi. Max e ka ndjekur nga afër dhe me kujdes dhe e konsideron portierin perfekt për t’ia nisur nga e para: i ri por tashmë me përvojë shumë të mirë, i besueshëm, i gatshëm por ende me shumë hapësirë për rritje. Roma po përpiqet të gjejë një zgjidhje për rinovimin e kontratës dhe Milani mund ta shfrytëzojë këtë rast. Giallorossët kërkojnë rreth 40 milionë, Rossonerët mund t’i ofrojnë Saelemaekers si homolog: ka hapësirë për përmirësim. Vazhdojmë me emrat e tjerë në listën e Allegrit.
Lexo më shumë
2) 25 milionë euro
Duke vazhduar me mbrojtjen, vëmendja është e përqëndruar te anësorët që do të ndryshojnë plotësisht. Sa i përket krahut të djathtë, nevojitet një titullar për të marrë komandën e korsisë pas lamtumirës së Kyle Walker, i cili nuk u shpagua nga Milani. Ndërsa Emerson Royal në fakt nuk konsiderohet më si zgjedhje e parë dhe është në merkato, ashtu si dhe Terracciano. Spanjolli Jimenez pëlqehet, por do të duhet të rritet shumë për t’u bërë titullar I Milanit të Allegrit, i cili dëshiron të përqendrohet në siguri. Atëherë një sy mbi pistën që mund të çojnë te Nahuel Molina, argjentinas ish Udinese që është në largim nga Atletico Madrid. Lojtari klas 1998 pëlqehet nga trajneri i Rossonerëve prej shumë kohësh dhe mund të përfshihet edhe si homolog në çështjen Theo Hernandez. Vlera e tij në merkato është rreth 20/25 milionë euro, por kujdes nga konkurrenca shumë e fortë. Thënë këtë, tani kalojmë te një favorit i vërtetë i Allegrit në shënjestrën e Rossonerëve.
3) 40 milionë euro
Nga krahu djathtë kalojmë në të majtë, ku me shumë mundësi ka të ngjarë të mbetet jetim nga Theo Hernandez në largim. Ëdhe për këtë rol, do të nevojitet një titullar i madh. Janë përmendur shumë emra, nga Maxim De Cuyper (që pëlqehet nga Moncada) te Destiny Udogie (një ide e rëndësishme e Tares), por i preferuari absolut i Massimiliano Allegri është vetëm një: Andrea Cambiaso I Juventus. I zoti për të luajtur në të dyja krahët kur është e nevojshme, anësori italian klas 2000 pëlqehet nga ish-trajneri i tij për shkathtësinë, cilësitë dhe besueshmërinë e tij në të dyja fazat e lojës. Allegri e njeh shumë mirë dhe tashmë ua ka kërkuar njerëzve të merkatos Milan edhe pse kostot padyshim që do të jenë shumë të larta: bëhet fjalë për rreth 40 milionë euro. Vazhdojmë tani me një emër tjetër në listën e trajnerit të Rossonerëve me peshë dhe eksperiencë ndërkombëtare.
4) 15 milionë euro
Tare dhe Allegri kanë nuhatur një mundësi të shkëlqyer në merkato, atë që çon te mesfushori i Bayer Leverkusen, Granit Xhaka. Lojtari klas ’92 është në fakt gati të largohet nga klubi gjerman dhe mund të blihet për një shumë absolutisht të përballueshme: rreth 15 milionë euro. Tare e njeh shumë mirë, pasi e ka ndjekur për një kohë të gjatë, por e pëlqen veçanërisht edhe Allegri, i cili për mesfushën e re të Milanit të tij dëshiron lojtarë cilësorë, por mbi të gjitha me eksperiencë të madhe ndërkombëtare dhe karizëm. Nga kjo optikë, personaliteti i Xhakës është mjaft i përshtatshëm për Max, i cili ëndërron një çift të një kalibri të madh ndërkombëtar, bashkë me Luka Modric. Është një pistë konkrete për t’u ndjekur dhe që me siguri do t’i pëlqente trajnerit të ri të Rossonerëve. Megjithatë, Allegri ëndërron edhe për një emër tjetër shumë të rëndësishëm.
5) 10 milionë euro
Nëse flasim për mesfushorë dhe për të preferuarit e Allegrit, atëherë emri në krye të listës nuk mund të jetë tjetër veçse ai i Adrien Rabiot. Për Max, francezi I Marsejës përfaqëson mesfushorin perfekt për të kompletuar mesfushën e Milanit. Më përvojë, si në Serie A ashtu edhe në nivel ndërkombëtar, me fizik, këmbë, gjeometri dhe cilësi, por edhe me vizion për lojën dhe ndërhyrje e gola. Shkurt, Rabiot I ka të gjitha cilësitë dhe karakteristikat e nevojshme për të kompletuar mesfushën e ëndrrave të Allegrit, i cili e njeh në mënyrë perfekte klasin ’95. Edhe në këtë rast kostoja nuk do të ishte e lartë, përkundrazi. Me kontratën që i skadon më 2026, kartoni i Rabiot mund të kushtojë vetëm 10 milionë euro. Një aferë e artë për trajnerin e Rossonerëve. Tani kalojmë te emri i gjashtë i listës së Allegrit.
6) 20 milionë euro
Nga mesfusha, tani kalojmë te anësorët ofensivë. Në këtë repart, Milani do të ketë nevojë për blerje të rëndësishme, duke pasur parasysh se janë disa lojtarët në largim. Pa e shqetësuar Rafael Leaon, të cilin Allegri do ta donte absolutisht ta mbante te Milani, janë Chukwueze, Okafor dhe Sottil që në fakt ndodhen jashtë projektit Rossoner. Djalli pra do të duhet të përqendrohen te të paktën disa elementë të rinj dhe, sipas Allegrit, një prej tyre do të ishte Federico Chiesa, një tjetër ish-lojtar i tij nga kohët e Juventusit. Anësori italian klas ’97 mund të largohet nga Liverpooli pas një sezoni padyshim negativ në nivel personal dhe Serie A do të ishte destinacioni më i mundshëm për momentin. Redsat do të ishin të gatshëm ta linin të shkonte për rreth 20 milionë euro, por nuk përjashtohet as mundësia e një huazimi me detyrim ose të drejtë blerjeje. Chiesa mund të luante si në të djathtë ashtu edhe në të majtë, duke i dhënë Allegrit një alternativë të nivelit të lartë dhe cilësore për të dy krahët. Tani kalojmë te emri i shtatë i ëndrrave në fletoren e Max.
7) 40 milionë euro
E mbyllim këtë listë me sulmin. Dhe kush mund të jetë në listën e Maxit nëse jo Dusan Vlahovic? Serbi është padyshim sulmuesi i preferuar i Allegrit, pasi e ka stërvitur me rezultate të shkëlqyera te Juventusi. Rruga nuk është e lehtë, por ideja Vlahovic – e mbështetur fuqimisht nga Allegri – është në fakt ndër ato që po merren fort në konsideratë nga Milani për të forcuar repartin e tij ofensiv. Vetë trajneri livornez thuhet se i ka dërguar një mesazh sulmuesit serb klas 2000 për të konfirmuar vlerësimin dhe dëshirën e tij për ta marrë me vete te Milani. Pengesa kryesore është paga shumë e lartë, edhe pse e ka kontratën në skadencë më 2026 dhe Juventusi do të ishte i gatshëm ta shiste për një ofertë prej 40 milionë eurosh, ndoshta edhe më pak. Milani do të përpiqet t’ia plotësojë dëshirat trajnerit, ose do të përqendrohet mbi një tjetër alternativë luksoze dhe e nivelit të lartë siç është Mateo Retegui i Atalantës.
