Më në fund, Milani mund ta lërë pas krahëve sezonin katastrofik të sapombyllur dhe të shikojë drejt së ardhmes, duke shpresuar se ajo do të jetë padyshim më e ndritshme se e tashmja. Frenat e projektit të ri teknik të Rossonerëve do t’i marrë drejtori i ri sportiv Igli Tare, nga i cili padyshim do të kalojnë të gjitha zgjedhjet, që nga ajo për trajnerin e ardhshëm të Milanit dhe ato që kanë të bëjnë me strategjitë e merkatos verore.
Milan, Tare provon goditjen e tij të parë në merkato: lajmet më të fundit
Lexo më shumë
Dimë që ish Lazio aktualisht është i përqendruar para së gjithash mbi identifikimin e trajnerit të ri të Milanit, i cili do të jetë hapi i rradhës themelor. Por ndërkohë, drejtuesi shqiptar do të ishte duke ndjekur disa pista shumë të rëndësishme merkatoje. Dhe, në pritje të trajnerit të ri, drejtori sportiv kuqezi është gati të bëjë një lëvizje të parë të rëndësishme për një bërë një goditje merkato të nivelit të lartë: ja të gjitha detajet mbi këtë çështje.
Konfirmime të rëndësishme
Një nga objektivat e Milanit për verën është sigurisht përqendrimi mbi lojtarët italianë. Klubi Rossoner dëshiron në fakt të krijojë një bllok të ri të fortë azzurr mbi të cilin do të sillet e gjithë skuadra. Dhe ndër emrat më të përfolur është gjithmonë ai i Federico Chiesa-s, në largim nga Liverpooli, pas një sezoni absolutisht negativ në Premier League. Dhe pikërisht në këtë drejtim, gjatë këtyre orëve ka mbërritur një lajm që konfirmon se si Milani është gati të ndërmarrë veprime pikërisht për klasin ’97. Kjo u zbulua nga gazetari i njohur i DAZN, Orazio Accomando, sipas të cilit Djalli ka ndërmend të bëjnë një ofertë për ish-sulmuesin e Juventusit. Ja çfarë zbulon më konkretisht kolegu në profilin e tij X: “Milani do të bëjë një tentativë për ta rikthyer Federico Chiesa-n në Itali”. Të jetë pikërisht ai goditja e parë e madhe e Tares? Sigurisht, është një situatë që duhet monitoruar nga afër.
