Merkato Milan – Shpagimi i De Ketelaere, çfarë po ndodh me belgun e kuqezinjve? Situata

Vazhdojnë të mbushin faqet e mediave anekënd lajmet e merkatos që qarkullojnë në orbitën Milan. Kështu, duke folur për merkaton Milan, kolegët e të përditshmes sportive prestigjoze ‘Tuttosport’, na risjellin në kujtesë sesi deri të premten, më 14 qershor – afati i fundit – Atalanta do të duhet të vendosë nëse do të ushtrojë ose jo të drejtën e blerjes përfundimtare të kartonit të Charles De Ketelaere. Klas 2001, sulmuesi belg u dha një vit më parë nga kuqezinjtë te ‘Dea’ në formë huazimi me opsion blerjeje.

Merkato Milan – Çfarë do të ndodhë me sulmuesin kuqezi aktualisht të huazuar te Atalanta?

Po të dëgjohet Antonio Percassi, presidenti i Atalantas, ai javët e fundit e ka bërë të qartë se klubi i tij synon ta mbajë CDK-në në Bergamo përgjithmonë. Shifrat e rënë dakord dymbëdhjetë muaj më parë mes klubeve ishin: 23 milionë euro, plus 3 milionë euro bonus, plus 10% për çdo rishitje të ardhshme të lojtarit.

Milani pret të kontaktohet nga drejtuesit orobikë ditët në vijim. Por, gazeta torineze ka zbuluar se, të paktën për momentin, Milani nuk duket aspak i gatshëm t’i ofrojë Atalantës zbritje në çmimin e rënë dakord. Kjo për shak se lajmet më të fundit flasin për nerazzurrët të vendosur për t’i kërkuar Djallit të rinegociojë shifrat e operacionit në mënyrë që t’i ulin ato sa më shumë që të jetë e mundur.

Në rast të refuzimit të Milanit për të negociuar, Atalanta do të kishte dy opsione. Ose të dërgojë një PEC në ‘Casa Milan’, nëpërmjet të cilit të konfirmojë ushtrimin e të drejtës së riblerjes për shumën e rënë dakord, ose të heqë dorë nga CDK. I cili, sidoqoftë, te Nerazzurrët është ndje mirë dhe është rilançuar (14 gola dhe 11 asiste në 50 ndeshje mes Serie A, Kupës së Italisë dhe Evropa League, të cilën më pas e fitoi me skuadrën e Gian Piero Gasperinit). Dhe atje do të donte të qëndronte.

Por për Milanin nuk ka pse të ketë dhimbje koke. Në fakt, me sezonin e mirë të zhvilluar, projektorët e merkatos ndërkombëtare janë rikthyer sërish mbi Charles De Ketelaere, duke e vënë në qendër të saj. Janë disa klube angleze dhe spanjolle që do të ishin të gatshme për të trokitur në derën e kuqezinjve për të blerë kartonin e tij me çmim sigurisht më të lartë nga ai i rënë dakord për shpagimin prej Atalantës.