Ato që janë mundësi merkatoje për Milanin mund të jenë edhe për skuadrat e tjera dhe për këtë arsye edhe Juventusi po ndjek me vëmendje të madhe disa lojtarë që pëlqehen edhe kuqezinjtë. Sfida mes dy klubeve tashmë ka filluar: sfidë e hapur, mes Cardinales dhe Giuntolit.
E nëse përsa i përket Zirkzee, Milani duket të jetë qartësisht favorit (edhe pse negociatat nuk janë mbyllur ende), janë edhe tre lojtarë për të cilët kuqezinjtë dhe bardhezinjtë janë gati të luftojnë. Emri i parë për të cilin bëhet fjalë është ai i Armando Brojës, sulmuesit shqiptar që mund të largohet nga Chelsea për rreth 20 milionë euro. Gjatë ndeshjes Itali-Shqipëri në Dortmund ishin edhe një numër shumë i madh vëzhguesish ndër të cilët edhe ato të Milanit dhe Juventusit, të gjithë gati për ta vëzhguar nga afër.
Milani po ndjek gjithashtu me kujdes edhe Youssouf Fofana të Monakos, mesfushor fizik që mund të përforcojë mesfushën e Fonsecës dhe që po ashtu ka përfunduar në shënjestrën e Juventusit. Dhe i fundit, por jo më pak i rëndësishmi, bëhet fjalë për Jakub Kiwior. Qendërmbrojtësi polak është në largim nga Arsenali dhe mund të jetë një goditje shumë e mirë low cost për të dyja skuadrat.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
