Merkato Milan e ka shqetësuar trajnerin e kuqezinjve i cili është i bindur se po hidhet shumë baltë. Për çfarë e ka fjalën portugezi i Milanit?
Sergio Conceiçao është i lodhur tashmë. Është prej kohësh, në fakt. Gjatë këtyre javëve, gjatë këtyre ditëve ai ka lexuar shumë gënjeshtra që e kanë bezdisur. Nuk i kanë pëlqyer. Aspak. Për faj të merkatos. Pak në hyrje, shumë në dalje. Ndoshta shumë për një skuadër që i duhet të rikthehet në luftën Champions League në kampionat. Për një skuadër që duhet të luajë playoff-et e Champions League.
Por Sergiao duhet të ishte mësuar me to. Mirëpo ai nuk mësohet kurrë. Ardhja e Santiago Gimenez? Nuk është ende zyrtare prandaj “nuk mund të flas për të sepse nuk është ende një lojtar i yni”. Sigurisht buzëqeshja e tij vlen sa një përgjigje. Por le të vazhdojmë më tej sepse më pas bëhet serioz trajneri portugez, që zëvendësoi bashkëkombasin e tij, Paulo Fonseca:
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Të nxirren përfundime të merkatos përpara një ndeshje si kjo, që e shikon gjithë bota dhe ku kemi shumë për të përmirësuar, nuk më pëlqen. Nëse doni një konferencë shtypi për të folur vetëm për merkaton, kur të mbarojë, do ta bëj…
Më pas Sergio Conceiçao bëhet edhe më serioz kur flet për shqetësimin që i shkaktojnë atij dhe lojtarëve lajmet e vazhdueshme të merkatos:
Një muaj i tërë merkao e hapur është shumë kohë. Në nivel emocional sigurisht që lëviz diçka, janë një sërë gjërash që mund të bëhen të rrezikshme. Shoh edhe shumë gënjeshtra të shkruara, të cilat dhembin në një kontekst që edhe kaq është i vështirë. Nuk është e lehtë të menaxhosh një grup në një periudhë si kjo. Ka gjëra që ndërhyjnë dhe ne duhet të përqendrohemi në mënyrën më të mirë për të fituar derbin. Për mua, e rëndësishme është të flas për modulet, për futbollin, kjo është puna ime…
