Drejtuesit e Milanit janë në kërkim të një zëvendësuesi të denjë të Olivier Giroud dhe emri i sulmuesit të Feyenoord, Santiago Gimenez, ka hyrë sërish në listën e objektivave të drejtorit të zonës teknike, Geoffrey Moncada. I rritur në radhët e të rinjve të Cruz Azul, klub që luan në kampionatin meksikan, lojtari klas 2001 u transferua në Holandë te Feyenoord për 6 milionë euro.
Sezoni që përfundoi ishte vërtet i bujshëm për Gimenez, aq sa në 41 ndeshje të luajtura në të gjitha kompeticionet meksikani arriti të shënojë 26 gola. Sipas asaj që kanë zbuluar kolegët e gazetës së përditshme sportive Tuttosport, duke pasur parasysh që negociatat për Joshua Zirkzee janë ndërlikuar mjaft për shkak të kërkesave të larta për shpërblim nga ana e agjentit të futbollistit, Milani do të ishte rikthyer kah sulmuesi meksikan, i cili kushton rreth 50 milionë euro. Megjithatë, rreth çmimit të kartonin mendohet të ketë vend për negociata nga drejtuesit e Djallit.
Pasi dukej se emri i tij ishte zhdukur nga radarët kuqezinj, Milani është rikthyer sërish në gjurmët e sulmuesit të Feyenoord, Santiago Gimenez. Por qendërsulmuesi meksikan, që vjen pas një sezoni të madh në Holandë, pëlqehet edhe nga Napoli. Vlera e tij është rreth 50 milionë euro, por çmimi mund të negociohet paksa. Duke pasur parasysh moshën e re, 23-vjeçari mund të përfaqësojë një goditje të shkëlqyer për sa i përket të ardhmes së kuqezinjve.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
