Merkato Milan – Po qarkullon një lajm i çmendur: “Goditje e bujshme nga Juventusi”

Walker in, Pavlovic out, ardhja Gimenez dhe një surprizë e mundshme nga Juventusi: çfarë ka ndodhur orët e fundit në casa Milan që e kanë nxehur kaq shumë atmosferën e klubit të rrugës Aldo Rossi?

Janë orë vërtet të zjarrta që kanë të bëjnë me merkaton Milanit, i cili tashmë duhet të hyjë domosdoshmërisht në fazën e tij vendimtare dhe definitive. Nevojitet një përshpejtim në frontet e shumta të hapura të merkatos nga klubi kuqezi, si për sa i përket largimeve ashtu edhe për blerjet e reja. Kyle Walker, siç e kemi thënë shumë herë ditët e fundit, është një hap larg dhe së shpejti do të bëhet një lojtar i ri i Milanit. Nga ana tjetër, mbrojtësi Pavloviçit ka refuzuar transferimin te Fenerbahçe, gjë që do ta pengojë Djallin të arkëtojë 20 milionë euro të nevojshme, për të mos thënë thelbësore për merkaton në vijim.

Pastaj është edhe çështja e sulmit, me Joao Felix, Santiago Gimenez dhe jo vetëm që kanë bërë që lajmet për Milanin të mos rreshtin për asnjë moment. Për të mos përmendur ndonjë surprizë të madhe, siç është një goditje e mundshëm e bujshme nga Juventusi. Siç thamë, po ndodhin shumë gjëra. Pra tani ka ardhur momenti që t’i zbulojmë me shpejtësi, disa prej të rejave më të bujshme, njëra pas tjetrës. Le t’ia fillojmë menjëherë me disa të reja të zbuluara drejtpërdrejt në Sky Sport nga eksperti i njohur i merkatos, Gianluca Di Marzio.

Çfarë po ndodh, sipas Di Marzios

Drejtpërdrejt në Sky, gazetari ka deklaruar se: “natyrisht, merkato e janarit të Milanit nuk do të ndalet tek Walker dhe largimi i mundshëm i Emerson Royal. Milani dëshiron një lojtar sulmues dhe zgjedhja e parë do të ishte Santiago Gimenez I Feyenoord. Mirëpo, holandezët janë një kockë e fortë për të negociuar. Kuqezinjtë kanë pasur disa kontakte dhe do të kenë të tjera gjatë orëve të ardhshme për të kuptuar fizibilitetin e vërtetë të këtij operacioni. Përndryshe, në listë është Lukebakio I Sevilies, një lojtar ndryshe nga meksikani. Por milani po e mban të gjallë edhe këtë pistë. Pastaj është gjithmonë edhe çështja Joao Felix, për të cilën po punon Jorge Mendes”. Me pak fjalë, disa pista për sulmin. Por le të vazhdojmë me një objektiv surprizë për të cilin Milani ka bërë përpara tashmë me një ofertë konkrete.

Emër i ri

Jo vetëm sulmi. Një sy edhe nga mesfusha, me disa emra që kanë përfunduar në orbitën kuqezi gjatë kohëve të fundit. Dhe një nga sugjerimet më të fundit vjen nga Franca. Po flasim për talentin 18-vjeçar të Caen, Tidian Gomis. Ai që e ka zbuluar interesimin e Milanit për xhevahirin francez ka qenë gazetari i njohur i Sky Sport Deutschland, Florian Plettenberg, i cili në llogarinë e tij X, ka zbuluar se klubi kuqezi –bashkë me Aston Villën dhe në mënyrë të veçantë Leipzig – ka bërë përpara me një ofertë konkrete për Gomis, kontrata e të cilit skadon në fund të këtij sezoni. Leipzig aktualisht është përpara, por kuqezinjtë thuhet se ia kanë bërë ofertën e tyre kontratuale direkt djaloshit shumë të talentuar. Thënë këtë, kalojmë te një emër tjetër i kalibrit ndërkombëtar që ka përfunduar në radarët e Djallit.

Jo vetëm Feliks

Siç kemi raportuar gjerësisht, Milani është gjithmonë në kontakt me Chelsea, për Joao Felix. Por në diskutimet e merkatos mes kuqezinjve dhe blues, mund të flitet edhe për lojtarë të tjerë. Mes tyre, sytë mbi mbrojtësin francez klas ’98 Axel Disasi, i cili do të kishte qenë edhe një i preferuari i vjetër i Geoffrey Moncadës. Mbi mbrojtësin qendror shkëmbor janë shumë skuadra të interesuara, por Djalli do t’i ishin bashkuar rradhëve të admiruesve veçanërisht nëse do të gjenin një zgjidhje për largimin e Pavlovic. Një ndërthurrje e komplikuar për momentin, por Milani dëshiron të jetë gati edhe në rast se duhet të ndërhyjë në paketën e mbrojtjes qendrore. Por tani kalojmë te lajmi më I bujshëm i orëve të fundit që flet për një goditje të mundshme nga Juventusi.

Lajmi i bujshëm

E dimë shumë mirë se ndër nevojat e merkatos së Milanit në janar është edhe ajo e përforcimit dhe zgjatjes së mesfushës. Dhe ideja e fundit do të çonte drejtpërdrejt në casa Juventus. Siç është zbulua nga gazetari i TeamTalk, Rudy Galetti në llogarinë e tij X, orët e fundit, kuqezinjtë po mendojnë edhe për Nicolò Fagiolin, i cili ka përfunduar në periferi të projektit teknik të Thiago Mottës. Ja çfarë ka zbuluar eksperti i merkatos: “Përveç negociatave për Walker, Milani është në kërkim edhe të një mesfushori të ri. Kuqezinjtë – në listën e gjatë të emrave që po vlerësojnë – kanë kërkuar informacione të reja edhe për Nicolò Fagiolin, i cili mund të largohhet nga Juventusi në këtë dritare merkatoje dimërore”. Të shohim nëse sugjerimi i bujshëm do të kthehet në diçka më konkrete gjatë orëve në vijim, që sigurisht do të jenë shumë të nxehtë në casa Milan. Dhe në fakt, vëmendje të madhe asaj që po ndodh.