Merkato i ka hapur zyrtarisht dyert e tij në të katër kanatet, por duket qartësisht se Milani ka lëvizur prej kohësh për këtë gjë. Objektivi i klubit kuqezi, i konfirmuar edhe nga fjalët e fundit të Ibrahimoviçit, është i qartë: Fonsekës i duhet dhënë në dorë një skuadër e fortë, konkurruese dhe ambicioze. Dhe për ta bërë këtë, pra, do të duhet kaluar më parë nëpër një merkato po aq të rëndësishme verore, duke ndjekur përpos objektivave të paracaktuara muaj më parë, edhe idetë dhe indikacionet e trajnerit të ri të Milanit. Në fakt, Fonseca i ka idetë e qarta për objektivat e merkatos që i duhen dhe karakteristikat e lojtarëve që do të donte të kishte për të ribërë ekipin. Kështu, bazuar në lajmet më të fundit të merkatos kuqezi, ne kemi hipotezuar formacionin e ri të Milanit të Fonsekës për sezonin e ardhshëm: ja tek është, me titullarët dhe rezervat e mundshëm rol pas roli.
- Portierë >>> Maignan-Sportiello
- Mbrojtës të djathtë >>> Emerson Royal-Calabria
- Qendërmbrojtës >>> Tomori-Kalulu
- Qendërmbrojtës >>> Diogo Leite-Kiwior-Thiaw
- Mbrojtës të majtë >>> Theo Hernandez-Truffert-Dorgu
- Mesfushor qendror >>> Reijnders-Musah
- Mesfushor në të gjithë vijën >>> Fofana-Chukwuemeka
- Mesfushorë qendrorë >>> Loftus-Cheek-Adli
- Sulm, krahu i djathtë >>> Pulisic-Chukwueze
- Sulm, krahu i majtë >>> Leao-Okafor
- Qendërsulmues >>> Zirkzee-Lukaku-Gimenez-Jovic-Abraham-Broja
Ishte ky pra formacioni i ri i mundshëm i Milanit të ri të Fonsekës, me disa ndryshime që rezultojnë nga merkato e verës dhe me më shumë alternativa për role të ndryshme. Por, për hir të së vërtetës, merkato tani po hyn realisht në thelbin e gjërave dhe në fakt lajmet për kuqezinjtë nuk mbarojnë këtu, përkundrazi.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
