Lajmi i fundit
Sipas ‘TuttoMercato’, në fakt, Al-Nassr, skuadër e Saudi Pro League e stërvitur deri para pak kohësh nga ish rossoneri Stefano Pioli, po shqyrton shitjen – me formulën e huazimit me të drejtë blerje – të sulmuesit kolumbian Jhon Durán.
Klas 2003, autor i 12 golave në 18 ndeshje në pjesën e fundit të sezonit me fanellën verdhëeblu, Duran do të ishte rikthyer në orbitën Milan. I rikthyer, sepse Djalli, siç do ta mbani mend, e ka ndjekur tashmë edhe një vit më parë, kur Aston Villa e pati nxjerrë në shitje. Një pjesë e parë top e vitit (11 gola në 29 ndeshje me ‘Villans’) i kishte vlejtur më pas transferimin në Arabinë Saudite për 77 milionë euro plus 15 bonuse.
Po përse Al-Nassr dëshiron ta heqë qafe? Duket se Durán nuk shkon mirë me Cristiano Ronaldon dhe, për këtë arsye, midis të dyve, arabët preferojnë të mbajnë fort CR7-ën. Paga e Duran është e lartë, 10 milionë euro neto në sezon ndaj, për këtë arsye, në rast se dëshiron të vijë te Milani (dy klubet janë tashmë në kontakt…) do të duhet ta ulë.
Mbi bomberin amerikanojugor është edhe Roma dhe Napoli. Shkurt, Serie A duket të jetë destinacioni i tij i ri. Me fanellën e kuqezinjve?
