Merkato Milan, një qendërmbrojtës i ri nga Bundesliga, Fonseca ka dhënë ok

Merkato verore e klubit kuqezi ende nuk ka filluar. Ka shumë zëra, shumë fjalë dhe shumë lajme të ngritura mbi to por “rreziku” që në ditën e grumbullimit (8 korrik) të mos ketë ende asnjë nga blerjet e reja në Milanello është real.

Milani do të ndërhyjë në çdo repart të organikës së tij dhe në mbrojtje mund të ketë tre fytyra të reja: një mbrojtës të djathtë, një mbrojtës të majtë dhe një qendërmbrojtës. Mbetet të kuptohet gjithashtu se kush do të largohet. Me siguri Filippo Terracciano dhe Marco Pellegrino do të huazohen për t’i mundësuar për të luajtur më me vazhdimësi. Ndërsa përsa i përket Fodé Ballo-Touré do të shitet.

Ka një kërkesë nga Newcastle United për Malick Thiaw, por do të duhen të paktën 35 milionë euro që shitja të konsiderohet. Po ashtu flitet edhe për një lamtumirë të mundshme të Alessandro Florenzit, ndërkohë që e ardhmja e Theo Hernandez pret fundin e Evropianit. Zlatan Ibrahimovic ka deklaruar se ai do të qëndrojëtij, por nuk duket të jetë e thënë.

Përsa i përket rolit të qendërmbrojtësit, Milani dëshiron një me futbollist me këmbë të majtë dhe që është i mirë në pozicionim. Ëndrra e madhe ishte Alessandro Buongiorno, por ajo u zhduk shpejt. Në fakt, Torino kërkonte 40 milionë euro dhe nga ana e kuqezinjve nuk kishte shumë dëshirë për të shpenzuar kaq shumë. Do ta bëjë Napoli, që do të plotësojë kështu kërkesën e Antonio Contes.

Tani duket se është një tjetër mbrojtës në krye të preferencave të klubit: Diogo Leite. Specialisti i merkatos Gianluca Di Marzio, ka zbuluar se është ai emri kryesor për prapavijën. Edhe pse edhe në këtë rast konkurrenca është e fortë: po e mendon Bolonja e cila mund të riinvestojë një pjesë të parave nga shitja e Riccardo Calafiorit (Arsenali ka ofruar 50 milionë), si dhe Bayer Leverkusen.

Portugezi klas 1999 luan për Union Berlin, ku mbërriti si huazim më 2022 nga Porto: paraqitjet e tij të mëpasme e bindën klubin gjerman ta blinte kartonin duke investuar 7.5 milionë euro. Çmimi është fiksuar në 18 milionë, edhe pse Milani shpreson që të mund të marrë një zbritje dhe të shpenzojë më pak. Përfshirja e bonuseve mund të jetë një faktor përcaktues në negociata, përveç përqindjes së zakonshme për rishitjen e ardhshme.