Milan ka absolutisht nevojë për blerje të rëndësishme për t’u ringritur dhe për të nisur një cikël të ri fitues nën drejtimin e Allegrit. Për këtë, tekniku rossoner ka në mendje të paktën 5 blerje të mëdha në merkato: ja kush janë ato
Koha kalon dhe për momentin klubi rossoner ka lëvizur konkretish veçanërisht me largime, me shitjen shumë të rëndë të Reijnders që spikat në mënyrë evidente. Megjithatë, jo vetëm lamtumira. Milan i ri i Allegrit dhe Tares ka nevojë edhe për blerje cilësore dhe përforcime të rëndësishme, me një merkato hyrëse që do të duhet të jetë e denjë për ambiciet rossonere. Modric do të firmosë pas Botërorit për Klube, por padyshim që nuk do të mjaftojë.
Përkundrazi, pas kampionit kroat, Allegri do të kishte në mendje të paktën 5 blerje të tjera vërtet të rëndësishme për të bërë që të përforconte skuadrën në dispozicion të tij, me emra shumë të qartë dhe të rëndësishëm në listën e tij të merkatos. Pastaj, edhe në varësi të operacioneve në largim, goditjet hyrëse mund edhe të rriten numerikisht. Por fillohet nga një bazë prej 5 goditjesh të mëdha të merkatos për Milan e ri të targuar Allegri.
Tare është tashmë në punë për të forcuar skuadrën dhe për t’i dhuruar trajnerit rossoner përforcimet e kërkuara, me shumë tavolina të hapura dhe negociata të ndryshme në zhvillim e sipër. Pra, siç thamë, emrat në listën Milan janë vërtetë shumë. Atëherë, duke hyrë më specifikisht në detaje, le të shohim se cilat janë këto 5 goditjet top në proces: ja të gjitha objektivat në shënjestrën e Rossonerëve dhe të mister Allegrit:
Një titullar i ri
Duke filluar qartësisht nga mbrojtja, Allegri me siguri do të ketë nevojë për një titullar të ri për krahun e djathtë. Me largimin e Walker, lamtumirën e Florenzit, me Emerson Royal jashtë projektit teknik rossoner dhe në merkato, madje edhe me Terraccianon në pikëpyetje, nga ajo anë nevojitet një pikë e re e rëndësishme referimi për të mbështetur djaloshin Jimenez, i konsideruar nga Allegri ende paksa i papjekur. Dimë që Milanit dhe vetë Allegrit i pëlqejnë disa profile që tashmë e njohin mirë Serie A, si Dodo i Fiorentinës dhe Nahuel Molina, ish Udinese që mund të largohet nga Atletico Madrid. Por një sy edhe ndaj profileve të tjera që qarkullojnë gjatë këtyre orëve. Në listën rossonere, në fakt, do të ishte edhe spanjolli 21-vjeçar Marc Pubill i Almeria-s dhe francezi 22-vjeçar Guéla Doué i Strasbourg. Megjithatë, objektivi më i madh dhe më i rëndësishëm do të ishte braziliani Vanderson, 23-vjeçar i Monaco. Një emër që pëlqehet goxha te Milani, edhe pse i shtrenjtë. Kalojmë te objektivat e tjerë.
Një big absolut
Nga njëri krah në tjetrin: përveç një mbrojtësi të djathtë, Allegri dëshiron edhe një mbrojtës të ri të majtë për të zëvendësuar Theo Hernandez në largim, pasi është nxjerrë në merkato dhe ndodhet në pothuajse jashtë projektit të ri. Në pritje për të gjejë një sistemim për francezin, Milani po eksploron tashmë disa rrugë të rëndësishme. Pista që të çon te belgu De Cuyper i Bruges, për të cilën është folur shumë kohët e fundit, duket se është ftohur pak, ndërkohë që ka fituar terren ideja Zinchenko i Arsenalit, i cili pëlqehet veçanërisht nga Tare. Por në krye të renditjes së vëmendjes së Max Allegrit janë dy emra të tjerë, të dy italianë. I pari është Destiny Udogie, më parë te Udinese dhe tani te Tottenham. Por, i preferuari absolut i trajnerit livornez do të ishte Andrea Cambiaso, të cilin ai e ka stërvitur më parë te Juventusi. Pista jo të thjeshta dhe të kushtueshme, por sigurisht shumë të rëndësishme. Vazhdojmë te objektivi tjetër.
Pikë reference
Duke kaluar nga mbrojtja në mesfushë, janë shumë objektiva të tjerë në shënjestër të kuqezinjve pas Luka Modric. Kërkesa e parë e Allegrit është një regjisor-organizator, shtyllë e mesfushës rossonere, një pikë referimi për ta vendosur në qendër të lojës së Milanit të tij. Shkurt, një organizator, që të ketë edhe aftësi të mira skrining përpara mbrojtjes dhe edhe karakterin dhe karizmën e duhur për të drejtuar skuadrën. Po zbehet ideja Ricci i Torinos, një obsesion i vjetër i Milanit, edhe pse mbetet një emër që u pëlqen Rossonerëve. Dimë edhe që Allegri pëlqen xhevahirin francez Ayyoub Bouaddi të Lille, një 17-vjeçar i jashtëzakonshëm, por të cilit mund t’i mungojë përvoja e nevojshme për të veshur fanellën e rëndë të Milanit në një rol kaq qendror dhe delikat. Është kjo arsyeja pse i përzgjedhuri është pa dyshim Granit Xhaka i Bayer Leverkusen, një objektiv shumë konkret për Djallin për momentin. Për të po punon Tare, pista është shumë e nxehtë. Ndërsa objektivi tjetër është…
Një tjetër akoma
Përveç Modricit dhe regjisorit, Milani dëshiron të marrë edhe një mesfushor të tretë, qartësisht me karakteristika të ndryshme. Objektivi do të ishte një mesfushor me kualitet, shpejtësi dhe i fortë në lojën me top, i cili të mund të garantojë edhe ndonjë gol më shumë. Nuk është sekret që ëndrra e Allegrit do të ishte ish i përkëdheluri i tij, Rabiot, i cili megjithatë duket i destinuar të qëndrojë në Marsejë. Për këtë arsye Tare është zhytur mbi zviceranin Jashari të Bruges, klas 2002, por që kushton shumë. Klubi belg, sipas lajmeve më të fundit, do të kishte rritur kërkesën në 45 milionë euro. Absolutisht shumë. Nëse kërkesa mbetet vërtet kështu, Milani do të detyrohet të kërkojë diku tjetër. Në fakt, e ka bërë tashmë, duke shënjestruar spanjollin Javi Guerra, 22 vjeç i Valencia-s. Edhe në këtë rast, negociatat kanë filluar dhe janë konkrete, priten zhvillime. Tani kalojmë te i pesti, një goditje e madhe në listën e Milanit të Allegrit.
Goditje top
Lëvizja e madhe në mendjen e Max Allegrit do të ishte në sulm. Trajneri Rossoner do të dëshironte një bomber të ri, një qendërsulmues të cilit mund t’i besojë çelësat e repartit ofensiv të Milanit, një siguri për sa i përket përvojës dhe cilësisë përpara portës. Dhe siç ju kemi traguar tashmë në disa raste, ëndrrat e tij të merkatos janë dy, për dy të preferuarit e tij të vjetër: Dusan Vlahovic dhe Moise Kean. I pari do të ishte favorit absolut, por edhe qendërsulmuesi italian do të ishte absolutisht i mirëpritur, veçanërisht pas sezonit të shkëlqyer që ka kaluar te Fiorentina. Dy ide me peshë të madhe, të ndërlikuara dhe të kushtueshme, por që Milani do të donte vërtet të përpiqej t’i realizonte për t’ia dhuruar trajnerit të tij. Alternativat? Një sy mbi Retegui të Atalantës për shembull (edhe më i shtrenjtë megjithatë) dhe Mitrovic, i cili do të donte të largohej nga Al-Hilal për t’u rikthyer në Evropë. Punët janë në vazhdim, por Allegri po kërkon përforcime dhe edhe me rëndësi. Dhe thënë këtë, risitë e merkatos Milan, nuk mbarojnë këtu.
