Merkato Milan, negociata të reja me Real Madrid, all-in për lojtarin: detajet

Është një sezon me shumë ndeshje ende për t’u luajtur, por Milani që tani po bën vlerësime të rëndësishme për të ardhmen. Mbi disa lojtarë duhen marrë vendime përfundimtare.

E sigurtë është që në këtë periudhë do të flitet për rinovime kontratash. Për shembull, ato të Mike Maignan dhe Tijjani Reijnders duken shumë të afërta. Ndërsa, ajo e Theo Hernandez është ende larg. Rendimenti i mbrojtësit francez nuk po bind dhe nuk mund të përjashtohet edhe një shitje e lojtarit, gjë që mund të kishte ndodhur që në janar kur nga Como erdhi oferta: rreth 50 milionë euro, të pranuara nga kuqezinjtë, por direkt i interesuari e refuzoi transferimin te skuadra e trajnerit Cesc Fabregas.

Një nga lojtarët mbi të cilët Milani dëshiron të vazhdojë të përqëndrohet është Alex Jimenez, protagonist pozitiv në fitoren kundër Hellas Veronës në San Siro. Ishte i tij asisti për Rafael Leaon, që më pas ia serviri topin Santi Gimenez për golin që i dha tre pikët skuadrës së Sergio Conceicaos.

Pas fillimit të sezonit me Milan Futuro në Serie C, mbrojtësi spanjoll ka fituar një vend në Skuadrën e Parë dhe ka dëshmuar se është në lartësinë e kërkuar. Sigurisht që ka shumë hapësirë ​​për rritje, nuk i ka mbushur ende 20 vjeç dhe për këtë arsye mund të bëhet një lojtar shumë më i mirë se sa është sot. Bazat janë të mira, do të jetë në dorën e tij të punojë në mënyrën korrekte për t’u rritur në mënyrë eksponenciale.

Gjithçka mirë? Sikur! Klubi kuqezi rrezikon ta humbasë në fund të sezonit. Në fakt, Real Madrid mund të ushtrojë një klauzolë riblerjeje prej 9 milionë eurosh. Nëse vendos të presë dhe ta lërë të luajë në Milano, në verën e 2026 do të duhet të paguajë 12 milionë për ta rimarrë.

Sipas ekspertit Matteo Moretto të Relevo, javët e ardhshme Milani synon të riformulojë kushtet e akordit me Real Madridin. Klubi kuqezi dëshiron ta shmangë humbjen e një djaloshi kaq premtues dhe kërkon të mbështetet tek ai për të ardhmen. Mbetet për t’u kuptuar pozicioni i blancos.

Jimenez është një anësor që mund të luajë në të dyja krahët, qoftë si mbrojtës anësor , ashtu edhe në një pozicion më të avancuar. Shkathtësia e tij taktike është shumë e vlefshme për trajnerin. Të shohim nëse Milani do të mundet ta mbajë atë apo do të duhet ta lërë të largohet për në Madrid.