Zlatan Ibrahimovic, në fjalimin e tij të prezantimit të sezonin ishte i qartë: Zirkzee është një emër që Milanit i pëlqen shumë, por ai nuk është i vetmi. Një klub i madh si ai kuqezi ka gjithmonë një plan B dhe për këtë arsye, teksa pret të kuptojë se cila do të jetë e ardhmja e holandezit, negociatat e të cilit bllokohen nga komisionet shumë të larta të agjentit, Djalli është rikthyer të hedhë sytë në Bundesligë.
Bëhet fjalë për sulmuesin Guirassy. Me 28 gola të shënuar në 28 ndeshje, sulmuesi i Shtutgartit ishte golashënuesi i dytë më i mirë në Bundesligën e fundit. Klasi 1996 është një lojtar jashtëzakonisht interesant, veçanërisht për shkak se ka një klauzolë çliruese prej 17.5 milionë euro. Ndaj pikërisht për këtë arsye Giorgio Furlani është rikthyer në gjurmët e tij, aq sa mund të blihej pavarësisht ardhjes apo jo të Zirkzee.
Përveçse titullar në sulm, në fakt Milani kërkon edhe një rezervë. Chelsea kërkon 20 milionë euro për Brojën, ndaj pse të mos shpenzohen pak më shumë se 17 për Guirassy? Mosha dhe karakteristika janë të ndryshme, sigurisht, por sulmuesi i Shtutgartit mund të rezultojë të jetë vërtetë një goditje e madhe. Këto janë vlerësime komplekse që Djalli do të duhet t’i bëjë me shumë vëmendje. Zirkzee, Guirassy, Broja: gjuetia për post-Giroud sapo ka nisur.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
