Merkato Milan – Mbyllet menjëherë, goditja e madhe, Conceição bën listën, Moncada gati ta plotësojë

Milan parashikohet i tërbuar në këtë seancë merkato: Geoffrey Moncada është gati të verë duart mbi një lojtar të destinuar për të bërë që të flitet për të

Milani u rikthye në Milano nga Arabia Saudite, duke marrë me vete nga Riyadh edhe Superkupën e Italisë, të fituar në finale në derbin kundër Interit: tani, ndërsa vëmendja e Sérgio Conceição-s dhe lojtarëve do të spostohet në ndeshjen e radhës së kampionatit, të shtunën kundër Cagliarit, ai i drejtuesve do të përqëndrohet tërësisht drejt merkatos. Në fakt, seanca e negociatave dimërore është në zhvillim të plotë dhe klubi i rrugës Aldo Rossi – që ka nevojë për përmirësime të rëndësishme – do të jetë protagonist. Ta shohim si.

FILLIMISHT NJË APO DY SHITJE

Pëpara se të zhvillojë operacionet e planifikuara hyrëse në këtë merkato të janarit, supozohet se Milani do të duhet të kryejë disa operacione në dalje. Së bashku, sipas të gjitha gjasave, në të njëjtin repart, në atë të sulmuesve anësorë. Noah Okafor, klas 2000, lojtar zviceran i marrë verën e 2023 nga RB Salzburg, është në rrugën për t’u bërë lojtar i ri i RB Leipzig: huazim me të drejtë blerjeje që do të bëhet detyrim me arritjen e kushteve të caktuara për një total prej 11 milionë euro. Pastaj, në largim duket se është edhe Samuel Chukwueze, klas 1999, nigeriani që ka shumë kërkesa, por që është veçanërisht i presionuar nga Aston Villa në Premier League. Pas largimit të tyre, nis revolucioni.

SULMI, NDRYSHON GJITHÇKA!

Milani ka ndërmend të bëjë dy goditje në merkato për anësorë, pra, një në të djathtë dhe një në të majtë. Për të zëvendësuar Chukwuezen, duket se është një garë me dy mes Francisco Trincão, klas 1999, mëngjërash portugez i Sporting Lisbonës dhe Pepê, klas 1997, brazilian i Portos. I pari mund të jetë i favorizuar, duke qenë se agjenti i tij, Jorge Mendes, është edhe agjenti i Conceiçãos. Ndërsa për krahun e majtë, emri ‘nxehtë’ i ditëve të fundit është ai i anglezit Marcus Rashford, klas 1997, një ‘craque’ i mundshme për Serie A, në largim nga Manchester United. Huazimi i tij me të drejtën e blerjes dhe me gjysmën e rrogës së paguar nga ‘Red Devils’ nuk është më një utopi e thjeshtë.

GODITJE E NEVOJSHME

Nuk duhet harruar, pra, se Milani – në këtë sesion të merkatos – ka absolutisht nevojë për dy rekuizite, dy goditje ‘përmirësuese’ në një organikë që ka disa boshllëqe. Mungojnë, në fakt, një rol mbrojtës i majtë që mund t’i japë Theo Hernández mundësinë për të marrë frymë dhe një zëvendës, në mesfushë, për të stakanovistin Youssouf Fofana. Një element fleksibël, i cili eventualisht mund edhe të luajë me francezin. Për krahun, ndjesia është se Djalli do të fokusohet mbi një lojtar të ri (Almugera Kabar nga Borussia Dortmund?). Përkundrazi, për mesfushën do të shkojë mbi një element të gatshëm dhe të ambjentuar me Serie A (Warren Bondo i Monzës apo Morten Frendrup i Genoas). Po midis qendërmbrojtësve nuk do të ndodhë asgjë?

LAJMI

Me Matteo Gabbia, Malick Thiaw, Fikayo Tomori dhe Strahinja Pavlović për momentin, Milan ndihet i mbuluar në baterinë e qendërmbrojtësve dhe nuk ka ndërmend të ndërhyjë në këtë seancë të merkatos. Aq më tepër kur Conceição ka ndaluar largimin e Tomorit. ‘Fik’, i cili ishte në vëmendje të Juventusit dhe të disa klubeve angleze, mbi të gjitha Newcastle, do të qëndrojë kuqezi. Sidoqoftë, në funksion të sezonit të ardhshëm, Djalli po përgatit një goditje prej 30 milionë eurosh.

Milani, në fakt, nuk ka ndërmend ta lërë t’i ikë nga duar Cristhian Mosquera, klas 2004, spanjoll me origjinë kolumbiane që luan për Valencia. Iberikët, të impenjuar në luftën për shpëtim, nuk duan që ta largojnë tani, por kanë nevojë të arkëtojnë para. Ka shumë konkurrencë për kombëtarin olimpik të ‘Red Furies’, saqë sipas ‘fichajes.com’, Milani do të kishte pasur një ide: ta blinte menjëherë Mosquera dhe ta linte në huazim te ‘Murciélagos’ deri më 30 qershor. Duke vepruar kështu, do ta kishin blinduar mbrojtjen për sezonet e ardhshme.