Merkato, Milan lëshohet fuqishëm: Lukaku, plus 3 goditje të tjera! Di Marzio: “Vëmendje edhe për…”

Koha kalon dhe Milani e di se duhet të fillojë të shtrëngojë kohët për disa nga objektivat kryesore të merkatos së tij. Siç konfirmojnë lajmet e fundit nga kuqezinjtë, drejtuesit e klubit të rrugës Aldo Rosi po punojnë njëkohësisht në disa tavolina. Por koha për zgjedhje përfundimtare po vjen shpejt. Në sulm, Milani vazhdon të shpresojë për Zirkzee. Tani rruga është bërë absolutisht e përpjetë për shkak të çështjes së komisionit të agjentit dhe përfshirjes së fortë të Manchester United. Sipas ekspertit të njohur të merkatos, Gianluca Di Marzio, Red Devils janë në pole position për Zirkzee, por Milani sidoqoftë nuk është për t’u përjashtuar nga gara dhe do të përpiqet deri në fund t’ia arrijë qëllimit. Por lajmet e merkatos Milan, siç thamë, janë vërtet të shumta. Ato vazhdojmë me një sërë të rejash, nga Lukaku e deri te lëvizjet e tjera që Milani po përgatit për momentin.

Situata Lukaku

Duke folur pikërisht për Romelu Lukakun, Di Marzio ka nënvizuar se: “Milani po përpiqet të gjejë një akord ekonomik me belgun, duke e rritur më tej ofertën ekonomike që kuqezinjtë i kanë bërë tashmë, por që mesa duket ende nuk është e mjaftueshme. Dhe më pas duhet ulur dhe të negociohet me edhe Chelsea, që vazhdon të kërkojë klauzolën çliruese prej 40 milionësh”. Edhe kjo pistë sidoqoftë mbetet e komplikuar, por marrëdhëniet shumë të mira mes dy klubeve mund të bëjnë diferencën në negociata. Lukaku nuk është pjesë e projektit të ri teknik të Bluve të Mareskës, kështu që kërkesa e Chelsea mund të ulet me kalimin e kohës, edhe nëse do të duhet t’i kushtohet gjithmonë vëmendje konkurrencës së Napolit të Contes. Por, në shënjestër të kuqezinjve nuk është vetëm Lukaku. Vazhdojmë më poshtë.

Ide e dyfishtë

Përveç qendërsulmuesit belg, Milani mësohet se po flet gjithnjë me Chelsean edhe për dy futbollistë të tjerë: për mesfushorin klas 2003, Carney Chuwkwuemeka, si dhe për mbrojtësin klas 1999, Trevoh Chalobah. Të dy janë vëzhguar tashmë nga Milani në seancat e kaluara të merkatos, janë të rinj me perspektivë, por tashmë me përvojë të mirë dhe që janë në largim nga klubi anglez. Chalobah është një profil fleksibël, edhe pse jo mëngjërash, siç do ta donte Milani. Kostoja e tij është rreth 15/20 milion. Për të, ashtu si edhe për Chukwuemeka, me Chelsean mund të arrihet një marrëveshje huazimi, me të drejtë ose detyrim blerje. Sigurisht që dy klubet janë në kontakt shumë të ngushtë për momentin, si për Lukakun ashtu edhe për këto dy profile të tjerë. Por tani, vëmendje edhe për një emër tjetër që vjen nga Anglia dhe për të cilin Di Marzio ka folur orët e fundit.

Pistë e nxehtë

Në fakt, Milani do të ishte i gatshëm të përshpejtonte edhe për mbrojtësin e djathtë brazilian, Emerson Royal. Ja çfarë ka zbuluar Di Marzio për këtë çështje: “Vëmendje ndaj këtij lojtari, sepse këtë javë Milani ka një takim tjetër të planifikuar me agjentët e Emerson Royal në përpjekje për t’u afruar me një marrëveshje. Braziliani i Tottenham mbetet pra favorit për krahun e djathtë të Milanit”. Në faqen e tij zyrtare, eksperti i merkatos ka nënvizuar se gjatë javës do të ketë edhe kontakte të drejtpërdrejta me klubin anglez për të kuptuar se cilat janë distancat mes ofertës dhe kërkesës. Kështu pra, pista Emerson Royal mbetet e nxehtë dhe mund të ngrihet furishëm gjatë orëve të ardhshme. Por, duke u rikthyer te sulmi, një tjetër lajm i madhe gjithnjë nga Sky Sport.

Kontakte të reja

Pasi folëm për Zirkzee dhe Lukaku, një sy duhet mbajtur edhe për alternativa të mundshme të rënda në rast se Milani nuk arrin të mbyllë as për holandezin dhe as për belgun. Dhe sipas asaj që raportohet nga Sky Sport, kuqezinjtë po vazhdojnë ta ndjekin me interes dhe vëmendje të madhe Artem Dovbyk të Gironës. Pas eliminimit të Ukrainës nga Europiani, do të kishte pasur kontakte të reja mes palëve, me Milanin që po teston ujërat për të kuptuar se cilat do të ishin shifrat e operacionit. Klubi spanjoll kërkon rreth 40 milionë euro, shifër që Djalli do të donte ta ulte sadopak. Megjithatë, kandidatura e Dovbyk për Djallin duhet mbajtur gjithmonë parasysh.