Në kërkim të një sulmuesi të ri, Milani do të ishte rikthyer drejt një lojtari me peshë absolute dhe që po shkëlqen vazhdimisht në Bundësligën gjermane. Pasi e pati kërkuar me këmbëngulje gjatë merkatos së riparimeve dimërore të 2024. Sot, te skuadra e tij, qendërsulmuesi nuk i ka zhgënjyer pritshmëritë e tifozëve, duke arritur të realizojë një shifër vërtetë mbresëlënëse prej 35 golash dhe 9 asistesh në 48 ndeshje, duke ruajtur një mesatare që do të ishte për t’u patur zili edhe nga ana e sulmuesve më të mirë në botë, një kategori në të bën pjesë pikërisht edhe ai.
Gjatë prezantimit të tij joformal me shtypin, drejtori sportiv i Milanit, Igli Tare, pati thënë se Milani është në kërkim të një sulmuesi me karakteristika të ngjashme me ato të Olivier Giroud. Në këtë rast po flasim për Serhout Guirassy, por kur bëhet fjalë për të, mund të bëhet patjetër një përjashtim, edhe sepse është një nga ata sulmues që shënon me rregullsi të paparë, në çdo mënyrë dhe në çdo pozicion të mundshëm. Dhe për të përforcuar Milanin e tij, Massimiliano Allegri është në kërkim pikërisht të profileve të tilla. Po pse Serhout Guirassy, nuk është veshur ende me fanellën Rossonere?
Pengesa quhet, Borussia Dortmund
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Mirëpo një gjë është që të interesohesh për Serhou Guirassy dhe një tjetër për të menduar që franko-guineani të vishet me fanellën Rossonere sezonin e ardhshëm. Ish Stuttgarti është një nga shtyllat e skuadrës së Niko Kovac dhe kjo rezulton të jetë një pengesë mjaft e ndërlikuar për t’u kapërcyer. Plus, po t’i shtojmë edhe faktin se Borussia Dortmund e konsideron të pashitshëm, edhe vetëm ta imagjinosh Guirassy me fanellën Rossonere të Milanit bëhet e ndërlikuar. Por, sigurisht, rrugët e merkatos janë të pafundme dhe gjërat mund të përmbysen në çdo moment, ndaj edhe kolegët e të përditshmes së madhe sportive Il Corriere dello Sport flasin për një vlerësim prej 70 milionë eurosh që BVB i bën kartonit së guineanit, shifër ndoshta përtej mundësive të shpenzimeve të Milanit.
