Gjithnjë aktivë në merkato, Rossonerët, që po punojnë prej javësh të tëra për të arritur objektivin e tyre në mesfushë tashmë janë më optimistë. Sinjalet janë të qarta, edhe pse gjithçka është ende në lojë. Më të fundit
Janë momente vendimtare këto për të ardhmen e Ardon Jasharit, prej kohësh i ndjekur nga Milani dhe trajneri i ri Massimiliano Allegri. Një proces i mundimshëm negociatash që ka të ngjarë t’i jetë afruar fazës së tij finale.
Prej javësh, në fakt, është i njojur interesi i Rossonerëve për mesfushorin zviceran, aq sa drejtori sportiv Igli Tare i ka dërguar Club Brugge, pronarit të kartonit të lojtarit, disa oferta të rëndësishme. Oferta e fundit e raportuar është 38 milionë euro, përfshirë bonuset, me klubin belg që nuk është spostuar kurrë nga kërkesa e tij prej 40 milionë eurosh.
Mirëpo tani, sipas informacionit të mbledhur nga kolegët e portalit Calciomercato, hendeku është ngushtuar shumë dhe, pavarësisht se nuk ka një akord të plotë, po bëhen përpjekje për të sqaruar detajet përfundimtare përpara se të firmoset marrëveshja përfundimtare dhe në qiell të ngrihet tymi i bardhë. Me Milanin të fortë edhe nga një akord të blinduar me agjentin e lojtarit, i cili ka refuzuar çdo mundësi tjetër transferimi, pasi kanë qenë disa klube, si nga Serie A e mbi të gjitha nga Premie League që ishin lëshuar mbi të. Telenovelës Jashari pra po i vjen fundi, me klubin milanist të përqendruar fort mbi 23-vjeçarin e talentuar, për t’i dhënë më shumë cilësi dhe thellësi mesfushës Rossonere. Pavarësisht të gjithave, ngjarjet dhe surprizat e papritura janë gjithmonë pas cepit, mirëpo Jashari tani është vërtetë shumë afër Milanit.
