Lajmet në lidhje me merkaton Milan nuk mungojnë asnjëherë, edhe pse klubi kuqezi nuk e ka mbyllur ende për asnjë operacion të rëndësishëm. As nuk ka blerë dhe as ka shitur gjë. Fonseca është gati dhe është i etur për të nisur aventurën e re në pankinën e Milanit, padyshim në pritje të lajmeve nga merkato. Prioriteti i ardhshëm është padyshim sulmuesi. Sa i përket Zirkzee, nuk ka asnjë lajm ngushëllues. Në fakt, sipas asaj që kemi grumbulluar gjatë orëve të fundit, në këtë moment Manchester United do ta kishte parakaluar qartësisht dhe do t’ia kishte shkëputur nga duart holandezin, Milanit. Megjithatë, pista që të çon në Morata është shumë më e nxehtë. Ibrahimovic më bashkëpunëtorë tashmë kanë vendosur dhe duan të paguajnë klauzolën çliruese dhe nuk do të kishin probleme për të gjetur një marrëveshje ekonomike edhe me vetë sulmuesin spanjoll. Pengesa e fundit është pikërisht bindja e ish Juventusit që të largohet nga Atletico Madrid me të cilin është shumë i lidhur. Por telefonata që ju kemi thënë tashmë e Ibrës dhe përkëdheljet e shfrenuara të Milanit po e bindin dalëngadalë. E megjithatë, në të gjitha këto, gjatë këtyre orëve drejtuesit kuqezi do të kishin marrë edhe një vendim tjetër shumë të rëndë për merkaton.
50 milionë euro
More Read
Jo vetëm goditje të mundshme hyrëse. Milani i vlerëson dhe nuk ia mbyll aspak dyert edhe shitjeve të mundshme, qofshin këto edhe të ndonjë big-u të skuadrës. Një sakrificë alla Tonali, nëse është veçanërisht e dobishme për nga pikëpamja ekonomike, në fakt nuk përjashtohet aspak. Dhe i kërkuari numër një, për momentin, për t’u larguar do të ishte Ismael Bennacer. Rossonerët në fakt janë në kërkim të një mesfushori me karakteristika të ndryshme në merkato, ndërkohë që sirena të rëndësishme vazhdojnë të bien nga Arabia për algjerianin. Por, siç thamë, Milani do ta shesë vetëm me kushtet e tij. Dhe për Bennacer, vendimi i klubit është i qartë: e merr futbollistin kushdo që do duhet të paguajë plotësisht klauzolën çliruese prej 50 milionë eurosh. Një shifër shumë e rëndësishme kjo, e cila do t’i mundësonte Milanit të shikonte edhe për objektiva të tjera shumë të rëndësishme në merkato me sy të ndryshëm dhe mbi të gjitha me mjete të ndryshme. Të shohim nëse do të vijë kjo ofertë, ndërkohë që Ibrahimovic e ka vendosur tashmë çmimin për Bennacer.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
