Zbulimi i Di Marzio
Duke ndërhyrë drejtpërdrejt në Sky, Di Marzio zbuloi se: “Milani është mbi golashënuesin më të mirë në Serie A, që është Mateo Retegui i Atalantës. Italo-argjentinasi është në krye të listës për sulmin e Milanit. Rossonerët duan një tjetër qendërsulmues. Është e vërtetë që kostot janë të larta dhe se Atalanta do të kërkojë shumë, por Milani do të përpiqet seriozisht. Në garë mund të hyjë edhe Juventusi, por kujdes nga Milani që do Mateo Retegui”. Pra, një sy edhe mbi sulmuesin e kombëtares italiane, i cili sezonin e fundit në Bergamo shpërtheu në nivele ekselente, duke shënuar 28 gola dhe dhuruar 9 asiste midis kampionatit dhe kupave. Tare e dëshiron dhe e ka shënjestruar. Shkurt, midis emrave të vjetër dhe pistave të reja, madje edhe shumë të papritura, merkato Milan po kalon shpejtësi të katërt dhe duhet ndjekur vazhdimisht, hap pas hapi dhe orë pas ore. E në fakt, risitë nuk mbarojnë këtu, përkundrazi.
