Merkato Milan – Goditja e madhe, e bujshme nga Di Marzio: “Ju them se…”

Ndërsa jemi në pritje të derbit në finalen e Superkupës, Milani po lëviz fort në frontin e merkatos: por çfarë po ndodh sot në casa Milan?

Teksa Conceicao dhe djemtë e tij po përgatiten për finalen e Superkupës së Italisë në derbin kundër Interit, drejtuesit e Milanit po punojnë fort në merkato në disa fronte njëkohësisht. Siç jua kemi zbuluar para disa kohësh, kjo dritare riparimesh në këtë janar do të jetë veçanërisht e ngarkuar për kuqezinjtë dhe që mund të sjellë edhe disa surpriza të mëdha. Pastaj, edhe ndryshimi në pankinë ka kontribuar edhe më shumë në përzierjen e kartave në tavolinë, duke e bërë këtë merkato dimërore veçanërisht të nxehtë për Milanin.

Konfirmimi i gjithë kësaj vjen edhe nga lajmet më të fundit që po qarkullojnë në ambientin kuqezi gjatë këtyre orëve, përfshirë emra krejtësisht të rinj dhe sugjerime vërtet të bujshme. Pa humbur më kohë, le t’i shikojmë së bashku lajmet më të mëdha dhe më të rëndësishme të merkatos të orëve të fundi, sigurisht me të reja të shumta për t’u lexuar dhe për të lëvizur shpejt njëri pas tjetrit. Le t’ia nisim menjëherë me lajmin e parë që ka të bëjë me një emër surprizë dhe krejtësisht të ri, i cili do të kishte përfunduar në shënjestër të Milanit.

20 milionë

Ia nisim menjëherë nga një lajm shumë interesant që po merr dhenë direkt nga Brazili, ku portali i njohur ge.globo.com afron me Milanin një emër krejtësisht të ri dhe shumë të talentuar. Bëhet fjalë për mbrojtësin e djathtë verdhejeshil, Wesley França, klas 2003, në pronësi të Flamengos. Në të kaluarën e afërt djaloshi ka qenë shumë pranë Atalantës, e cila ishte gati ta merrte për 20 milionë euro. Por nga Brazili sigurojnë që tani janë kuqezinjtë gati për të paraqitur të njëjtën ofertë për Flamengon. Mirëpo, ndërkaq, klubi brazilian do të kishte ngritur kërkesat e tij financiare nga 20 në rreth 30 milionë. Kjo për shkak se edhe disa klube angleze si Aston Villa, dhe Everton, i kanë hedhur sytë kah França. Është fakt që Milani po kërkon një alternativë me vlerë në rolin e mbrojtësit të djathtë, ku Emerson Royal nuk bind dhe Calabria është në largim. Mbetet për t’u kuptuar nëse lëvizja do të bëhet në janar (e vështirë) apo verën e ardhshme. Vazhdojmë më tej dhe flasim për një tjetër emër, krejt të ri, të zbuluar këtë herë nga Sky Sport.

Pista surprizë

Jo vetëm krahu i djathtë. Edhe për korsinë e majtë, Milani, po kërkon profilin e duhur për t’u mbështetur si zëvendës i Theo Hernandez. Ka qenë drejtpërsëdrejti në Sky, kur eksperti i njohur i merkatos Manuele Baiocchini, zbuloi se cili do të ishte objektivi i ri i kuqezinjve për këtë rol: “Mund të japim këtë emër që nuk ka dalë kurrë më parë: bëhet fjalë për Almugera Kabar. Është 18-vjeç, i cili tashmë është pjesë e skuadrës së parë të Borussia Dortmundit. Tashmë e ka bërë debutimin dhe ka luajtur tre ndeshje me Borussian, pavarësisht moshës shumë të re. Ai konsiderohet nga Milani si një lojtar tashmë gati për të bërë zëvendësin e Theos, nuk e di që nga janari apo vera e ardhshme, kur kushtet për blerjen e tij mund të jenë edhe më të favorshme. Pra mund të themi se ky është një djalosh që Milani po e ndjek me shumë vëmendje.” Tani, nga mbrojtja, kalojmë në mesfushë, ku do ju flasim për një emër vërtet të madh.

Klauzola përbindëshe

Dimë që Milani është gjithmonë në kërkim të mesfushorëve cilësorë dhe të zotë për lojën me top, si për janarin ashtu edhe për sezonin e ardhshëm. Kështu, një goditje shumë e rëndësishme mund të vijë për mesfushën. Janë shumë emra të rreshtuar në fletoren e drejtuesve kuqezi. Dhe mes tyre do të ishte edhe ai i Richard Rios, kolumbiani klas 2000 i Palmeirasit. Emri i tij nuk është i ri në orbitën Milan, por që kohët e fundit kishte humbur pak nga sytë, mbi të gjitha për shkak të vlerësimit ekonomik të çmimit të kartonit tij. Por tani nga Kolumbia rilançojnë interesin e Djallit për Rios, i cili ka një klauzolë monstruoze çliruese prej plot 100 milionë euro në kontratën e tij. Në veçanti, AS Kolumbia thekson se Milani po vazhdon të monitorojë situatën në lidhje me mesfushorin në funksion të seancave të ardhshme të merkatos. Një tjetër emër ky, pra, për t’u mbajtur gjithmonë në konsideratë për mesfushën kuqezi. Por tani le të kalojmë tek lajmi i bujshëm i zbuluar nga Gianluca Di Marzio, i cili ka folur për një goditje të mundshëm të bujshme nga Milanin.

Emër top

Gjatë këtyre orëve, në ambientin Milan është përhapur si flakë lajmi i bujshëm në lidhje me ardhjen e mundshme të Marcus Rashford, një xhevahir i klasit botëror në largim nga Manchester United. Për këtë ka folur edhe eksperti i merkatos, Gianluca Di Marzio, i cili ka bërë një përmbledhje të situatës në faqen e tij zyrtare, duke konfirmuar se: “Milani synon Marcus Rashford. Sulmuesi anglez, i cili ka përfunduar në fund të hierarkisë së organikës dhe është në krejt tjetër gjë, veçse jo në marrëdhënie të mira me Ruben Amorim, mund të largohet nga Manchester United. Klubi kuqezi është shumë vigjilent mbi këtë çështje, por kushtet për transferim duket se janë dy: që Red Devils të marrin pjesë në mënyrë të rëndësishme në pagesën e lojtarit dhe që transferimi të bëhet në huazim. Edhe klube të tjera kanë lëvizur për të, por fakti që Milani është i interesuar është një shenjë se skuadra e Conceicao është në kërkim të një sulmuesi të rëndësishëm. Zëra të tjera thonë se ka qenë United që ia ka ofruar Rasford, Milanit. Për shembull, Relevo nënvizon se si klubi anglez do të ishte i gatshëm ta huazonte lojtarin me të drejtën e blerjes dhe edhe të marrë pjesë në një pjesë të pagesës. Situatë për t’u monitoruar me shumë kujdes. Por kjo nuk është ende e gjitha, përkundrazi. Lajme të bujshme po vijnë nga casa Milan.