Merkato Milan | Godet eksperti i madh: “Vjen në janar nga PSG! Më konfirmojnë se…”

Jo vetëm përplasje e dyfishtë në Champions League mes PSG-së dhe Milanit, por edhe afeta të mundshme në merkato. Po, sepse të dy klubet, që do të kenë mundësinë të takohen dhe të garojnë edhe në një ndeshje tjetër, atë të kthimit të Champions League, mund që së shpejti të flasin edhe për merkato. Në të vërtetë, janë disa emrat që mund të ndezin aksin Paris-Milano në të ardhmen e afërt.

Dimë, për shembull, se PSG është veçanërisht i vëmendshëm ndaj situatës në lidhje me Mike Maignan, të cilin Milani do të donte ta blindonte me një rinovim për deri më 2028. Portieri francez do të ishte favoriti i parizienëve për të zëvendësuar ish rossonerin, Gigio Donnarumma. Dimë po ashtu edhe për interesin shumë të madh për Rafa Leaon, interes i cili për hir të së vërtetës ende nuk është konkretizuar. Por vëmendje të veçantë edhe për ata që mund të zbresin në Milano nga Parisi, ndoshta qysh në funksion të seksionit të merkatos dimërore. Eksperti i madh dhe gazetari i mirënjohur me besim rossoner, Carlo Pellegatti, ka zbuluar disa lajme të mëdha merkatoje që kanë të bëjnë me një lëvizje të mundshme të Milanit nga PSG në janar.

Lajmi

Sa më tej shkojmë, aq më shumë thembra e Akilit të Milanit bëhet gjithnjë e më e dukshme: nevojiten më shumë gola, veçanërisht nga sulmuesit. Dhe është kjo arsyeja pse kuqezinjtë – në pritje për goditjen e madhe që do të bëhet verën e ardhshme – mund të ndërhyjnë për të përforcuar sulmin që në janar. Nga ky këndvështrim, fjalët e ekspertit të madh Carlo Pellegatti meritojnë vëmendje të veçantë.

Përmes kanalit të tij YouTube, eksperti ka zbuluar: “Kujdes sepse pikërisht nga Parisi po merr udhë një lajm interesant dhe serioz në lidhje me Hugo Ekitike. Sulmuesi i PSG ka luajtur vetëm 8 minuta këtë sezon dhe nuk mund të durojë më, dëshiron të largohet. Luis Enrique nuk e konsideron dhe tani zërat që qarkullojnë nga Parisi flasin për Milanin që mund ta huazojë Ekitike për 6 muaj që ta shohë dhe më pas të vlerësojë nëse do të ushtrojë të drejtën e shpagimit.” Një mundësi interesante pra për Milanin. Dhe ka edhe më.

Pellegatti, në fakt e mbyll: “21 vjeçari mund të jetë lojtari ideal. Një koleg francez i informuar mirë për çështjet e PSG më ka konfirmuar se ka pasur kontakte mes dy klubeve. Emri për janarin pra është ai i Hugo Ekitike”. Por kjo nuk është ende e gjitha, përkundrazi.