Merkato Milan – Gjithçka e konfirmuar: “Gati oferta për…” | Më të fundit

Merkato në casa Milan nuk del kurrë nga moda, përkundrazi, në fakt është gjithmonë një argument ekstrem aktualiteti. Pavarësisht se merkato dimërore sapo është mbyllur, klubi kuqezi që tani po planifikon dhe punon për të ardhmen e afërt, me një sy për në verën e ardhshme në prag. Dhe – po jua themi shumë-shumë përpara – edhe gjatë merkatos së rradhës verore priten lëvizje të mëdha, si në hyrje ashtu edhe në dalje, për Milanin. Këtë e konfirmojnë edhe lajmet e fundit të merkatos që po qarkullojnë gjatë këtyre orëve në ambientin kuqezi. Ia nisim menjëherë me të lajmin që flet për një talent të madh në shënjestër të kuqezinjve.

Fenerët ndezur

Ndër planet e merkatos Milan për sezonin e ardhshëm do të jetë edhe ajo e sistemimit të korsisë së djathtë të mbrojtjes njëherë e përgjithmonë. Në dritaren dimërore të merkatos, iu dha lamtumira Davide Calabrias dhe mbërriti Kyle Walker, i cili në maj do të mbushë 35 vjeç. Objektivi, pra, do të jetë ai i shitjes së Emerson Royal – një tjetër zhgënjim i merkatos së verës së kaluar – dhe mbulimi i krahëve të anglezit ish Manchester City me një blerje të re cilësore dhe premtuese. Në këtë drejtim, Milani është shumë i interesuar për xhevahirin e Empolit, Saba Goglichidze, 20-vjeçarit gjeorgjian për të cilin kuqezinjtë kanë pasur kontakte që në janar. Lojtari klas 2004 ka edhe një kërkesë tjetër të rëndësishme nga Galatasaray, por Milani e ka monitoruar për disa kohë dhe shpreson t’ia arrijë të mbështetet tek ai për sezonin e ardhshëm për ta ndihmuar të rritet pas krahëve të Walker. Vazhdojmë me të reja të tjera.

Alarm i kuq

Një tjetër temë e nxehtë në casa Milan është ajo që lidhet me disa rinovime të rëndësishme kontraktuale. Dhe më e mprehta është padyshim ajo e Theo Hernandez, i cili po përjeton një sezon të diskutueshëm me ulje-ngritje të vazhdueshme. Kontrata e tij skadon më 2026, kontaktet vazhdojnë prej kohësh por ende nuk është arritur në asnjë përfundim, madje as në një marrëveshjeje paraprake mes palëve. Kërkesat financiare të mbrojtësit francez janë shumë të larta, ndaj, për këtë arsye, rinovimi i tij nuk duhet marrë si i mirëqenë. Përkundrazi! Nëse mbërrin një ofertë bindëse dhe adekuate, Milani do ta konsideronte seriozisht shitjen e Theo Hernandez me një vit të mbetur nga kontrata e francezit. Askush nuk është i pashitshëm, kjo është e qartë. Dhe në këtë kuptim, vëmendje tërheqin lajmet e zbuluara nga TEAMTalk, sipas të cilave Manchester City dhe Real Madrid janë gati të hidhen përpara për Theon këtë verë, me oferta konkrete dhe të rëndësishme. Kështu pra, kemi të bëjmë me një front për t’u monitoruar me kujdes. Thënë kjo, tani kalojmë në lajmet mbi atë se kush mund të largohet dhe kush mund të rikthehet te kuqezinjtë.

Rikthim i mundshëm

Sytë drejt situatës në lidhje me të ardhmen e Alexis Saelemaekers, i cili po bën shumë mirë te Roma. Aq sa verdhekuqtë do të donin absolutisht ta blinin përfundimisht kartonin e tij dhe ta mbanin në kryeqytet, por për t’ia arritur do të duhet të bindin Milanin. Dhe kësaj rradhe nuk do të mjaftojë ofrimi i Tammy Abraham si këmbim, që do të luhet për të ardhmen e tij te kuqezinjtë në këtë pjesë të fundit të sezonit. Por, pavarësisht fatit të sulmuesit anglez, Djalli mund të vendosë edhe për ta rikthyer në bazë sulmuesin belg. Baza e këtij vlerësimi do të ishte vullneti i Sergio Conceicao, i cili do ta rikthente në Milano me shumë dëshirë për ta pasur në dispozicion sezonin e ardhshëm. Një situatë tjetër për t’u monitoruar pra. Ndërkohë, tani, vëmendje një oferte që Milani thuhet se e ka gati për merkaton e radhës.

Gati oferta

Ka ardhur konfirmimi për atë që kishim parashikuar më parë: Milani ka ndërmend absolutisht të mbajë Joao Felix në Milano edhe për vitet e ardhshme. Mirëpo, për ta bërë, do të nevojitet rikthimi në negociata me Chelsea gjatë javëve të ardhshme duke qenë se marrëveshja aktuale e huazimit skadon në qershor dhe nuk parashikohet të drejtën e blerjes. Por, Djalli po i kushton vëmendje portugezit, që e ka bindur të zbarkojë në Milano pikërisht duke i ofruar mundësinë e një qëndrimi afatgjatë. Në këtë drejtim, klubi kuqezi tashmë ka menduar dhe përgatitur edhe ofertën e parë për Chelsea. Po flasim për një huazim prej rreth 8/10 milionë euro me të drejtë blerjeje prej 30/35 milionësh verën e 2026-ës. Do të ketë negociata, por Milani kërkon ta blindojë Joao Felixin për t’u përqëndruar tek ai edhe gjatë sezoneve të ardhshme. Por, përsa i përket merkatos, vëmendje për lajme të tjera të bujshme.