Në fund të ditës, deri më sot, asnjë trajner nuk është i kënaqur me atë që klubi i ka ofruar përgjatë një afati kalimtar merkatoje. Kjo vërehet sot nga kolegët e të përditshmes ‘Corriere della Sera’, në një analizë të përgjithshme rreth merkatos së klubeve të mëdha të Serie A.
Sipas kolegëve të gazetës gjeneraliste, nga të gjithë bigët e Serie A, është vetëm Milani i Paulo Fonsekës ai që deri më tani, në fushë, ka dhënë përgjigjet më të mira. Pas barazimit (1-1) në Vjenë kundër Rapidit në daljen e tij të parë parasezonale, me këmbët ende të mbufatura nga pushimet, Djalli mundi në miqësore Manchester Cityn (3-2) dhe Real Madridin (1-0) në dy ndeshjet e para të Soccer Champions Tour 2024 në Shtetet e Bashkuara të Amerikës.
More Read
E tash e pret ndeshja e tretë kundër Barcelonës. “Fonseka – shkruan ‘CorSera’ – po bën një omëletë të mirë me vezët që ka në dispozicion: ritëm të lartë, pressing, trekëndësha të shpejtë. Skuadra po fluturon dhe lojtarët janë plotësisht të përfshirë në projekt. Megjithatë, mungojnë përforcimet”.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Javë kyçe për Emerson Royal, Fofana dhe Abraham
Dhe, në këtë drejtim, kjo – sipas të përditshmes – duhet të jetë java vendimtare për ardhjen te kuqezinjtë të mbrojtësit anësor Emerson Royal nga Tottenham, për të kuptuar nëse kuqezinjtë do të mundin të marrin mesfushorin Youssouf Fofana nga Monaco dhe të gjeje një zgjidhje për ‘torturën’ që ka të bëjë me blerjen e mundshme të sulmuesit Tammy Abraham nga Roma.
