Fundi i këtij sezoni do të sjellë me vete një revolucion të vërtetë të merkatos në casa Milan dhe njëri prej reparteve që do të duhet të përmirësohet ndjeshëm padyshim do të jetë sulmi. Për momentin, i vetmi që mund të flejë i qetë duket të jetë Santiago Gimenez. Teksa gjithë të tjerët ose janë në pikëpyetje të madhe ose janë tashmë valixhet në dorë. E sigurt është se Milanit do t’i duhet një armë shtesë për sezonin e ardhshëm. Një tjetër bomber, i cili do të mund të garantojë gola dhe qëndrueshmëri përpara porte, për të qenë përkrah Gimenez në sulmin kuqezi. Është e qartë pra se Rossonerët do të duhet të ndërhyjnë ndjeshëm në merkato, në të cilën Milani do të ishte duke menduar për një blerje të re të frikshme për sulmin. Nuk është rastësi që lista e kuqezinjve përfshin disa emra shumë interesantë, pa përjashtuar as disa surpriza të mundshme të bujshme. Le të shohim pra, së bashku, një nga një, të gjithë sulmuesit që Milani ka shënjestruar për goditjen e madhe të merkatos së ardhshme.
