Merkato Milan, eksperti i madh hedh bombën: “Kërkon të vishet kuqezi!”

Milani, praktikisht me kualifikimin për në Champions League e ardhshëm të blinduar, po përqëndrohet fort në Europa League, një event që ende nuk e ka të renditur në stendën e tij të sukseseve, por ndërkohë drejtuesit kuqezinj po mendojnë që tani edhe për merkaton e ardhshme verore. Sigurisht, do të duhet kuptuar edhe se kush do të ulet në stolin e djallit pas përfundimit të këtij sezoni. Por, pavarësisht nga ky faktor themelor, disa objektiva merkatoje janë identifikuar tashmë prej disa kohësh.

Dhe Milani do të ishte duke lëvizur konkretisht për disa prej tyre. Lidhur me këtë, Carlo Pellegatti –gazetar i mirënjohur i besimit kuqezi dhe ekspert i madh i merkatos – ka zbuluar një lajm të bujshëm përmes kanalit të tij zyrtar në YouTube: Ibrahimovic mesa duket po punon për goditjen e parë të merkatos dhe lojtari i vënë në shënjestër prej suedezit po shtyn me forcë për t’u transferuar te Milani. Ja të gjitha detajet.

Super goditje

Ja çfarë thotë vetë eksperti i madh Pellegatti: “Është një lojtar që dëshiron absolutisht të vijë te Milani dhe – çfarë rastësie! – është një futbollist suedez. Po flasim për Viktor Gyokeres, një bomber që këtë sezon ka shënuar tashmë 32 gola në 36 ndeshje për Sporting Lisbonën. Idhulli i tij është vetë Ibrahimoviç dhe ndoshta Zlatan ka folur tashmë me ne. Për Gyokeres ka një klauzolë prej 100 milionë eurosh. Të shohim çdo të ndodhë, por sulmuesi klas ’98 dëshiron të vijë në Serie A dhe po shtyn fort të luajë me Milanin. E di që klubi kuqezi për të do të nënkuptonte majën më të lartë të karrierës së tij, me gjithë respektin për Sportingun. Por Milani është një gjë krejt tjetër, ndaj dhe për këtë arsye Viktor Gyokeres sigurisht që do të ushtronte presion mbi klubin. Duket se Sportingu i Lisbonës nuk dëshiron ta diskutojë klauzolën, por duhet të kemi parasysh edhe vullnetin e lojtarit. Gyokeres mund të jetë dhurata e parë e merkatos së Ibrahimoviçit. Do të jetë e vështirë, por futbollisti dëshiron fort të vijë te Milani i Ibrës”. Përballë ka kandidaturat e forta të Zirkzee dhe Sesko, por, një sy edhe për Viktor Gyokeres.