Negociata të nxehta
Përtej pas-Maignanit, Milan po punon që tani konkretisht edhe për pas-Theo Hernandez. Mbrojtësi francez në fakt është praktikisht i sigurt që do të largohet në fund të sezonit, nën dritën e një rinovimi që duket se ka dështuar plotësisht dhe paraqitjeve absolutisht të pamjaftueshme. Edhe në këtë rast ka filluar gjuetia për zëvendësuesin e mundshëm të Theos. Ndër emrat e ndryshëm që kanë qarkulluar orët e fundit në orbitën e kuqezinjve, më i akredituari është ai i Maxim De Cuyper i Bruges. Belgu klas 2000 pëlqehet shumë nga Moncada, por edhe nga klube të tjera si Juventus, West Ham dhe Arsenal. Ankandi ndërkombëtar po ia rrit çmimin, i cili aktualisht sillet në rreth 25 milionë euro. Për këtë arsye, Milani do të ishte duke përshpejtuar në përpjekje për të mposhtur konkurrencën dhe për ta marrë menjëherë në duar mbrojtësin De Cuyper. Kjo konfirmohet edhe eksperti i njohur i merkatos Nicolò Schira, i cili në profilin e tij X ka zbuluar se: “Milani ka hapur bisedimet për mbrojtësin e majtë të Club Brugge, Maxim De Cuyper. Takimi me ndërmjetësin e De Cuyper javën e kaluar ka qenë pozitiv. Për mbrojtësin e majtë është i interesuar edhe Arsenali”. Tashmë ka pasur një takim të drejtpërdrejtë me shoqëruesit e belgut, Milani është serioz. Por sytë edhe mbi një tjetër objektiv të madh të mundshëm të Milanit në repartin ofensiv.
