Merkato Milan: duhen blerje të Duhura, jo blerjet të Shpejta

Në këtë fazë ka shumë zhurmë në lidhje me merkaton Milan në hyrje. Por, një drejtues ekspert si Tare, duhet të qëndrojë shumë i kthjellët

Koha po mbaron. Në fakt, jo, koha ka mbaruar. Nëse përpiqesh të ndjekësh merkaton e Milanit duke u zhytur në ekzagjerimet e rrjeteve sociale, rrezikon të mashtrohesh nga një narrativë jorealiste. Tema themelore mbetet e njëjtë: Milani, prej kohësh nuk ka lëvizur dhe skuadra është e paplotë. Këtij vëzhgimi, megjithatë, i duhet replikuar se kohët e merkatos janë mjaft specifike, ato kanë kadencë të të ndryshme dhe nganjëherë viza ndarëse midis një blerjeje dhe një blerjeje të munguar është vërtetë delikate. Aktualisht, Milanit i mungojnë 4-5 lojtarë për të pasur një organikë të plotë. Nuk janë pak, por nuk janë as një ushtri.

Shembuj nga merkato

Janarin e kaluar, Milan bleu Gimenez, Felix, Bondo dhe Sottil orët e fundit të merkatos së riparimeve dimërore. Në më pak se 100 orë, u përputhën numra dhe shifra. Pastaj, ai seksion merkatoje nuk pati as efektin e dëshiruar në performancën e skuadrës, por krahasimi është i vlefshëm për të kuptuar se si kohët e merkatos mund të gjejnë përshpejtim në brenda pak orë, pas ditësh dhe javësh heshtjeje dhe stanjacioni.

Në verën e 2010, pikërisht Massimiliano Allegri u gjend me Ibrahimovic, Robinho dhe Boateng në dispozicion vetëm në dhjetë ditët e fundit të gushtit. Atë vit fitoi kampionatin. Në verën e 2024, Antonio Conte pa të mbërrinin në Napoli, pesë ditët e fundit të merkatos, McTominay, Lukaku, Gilmour dhe Neres. Fitoi kampionatin nëntë muaj më vonë.

Blerje të duhura, jo blerje të shpejta për merkaton Milan

Milanit aktual i nevojiten blerjet e duhura, jo blerje të shpejta. Futbolli – siç thoshte President Berlusconi – është i thjeshtë dhe nëse një trajner ka idetë e duhura, 15 ditë janë të mjaftueshme për t’ia përcjellë ato skuadrës së tij. Nxitimi mund të jetë një kufizim i rëndë. Negociatat e zhvilluara me padurim pothuajse kurrë nuk japin një rezultat të lumtur. Durimi është virtyti i të fortëve dhe një drejtues ekspert si Tare është plotësisht i vetëdijshëm për këtë. Sepse në fund të gushtit, merkato Milanit nuk do të gjykohet nga datat e mbërritjes së lojtarëve të rinj, por nga rendimenti i tyre në fushë. Dhe është aty që nuk duhet gabuar.