Romelu Lukaku dhe Tammy Abraham së bashku kanë të njejtin çmimin sa Joshua Zirkzee. Pikërisht për këtë arsye, drejtuesit e Milanit mund të vendosin të bëjnë një goditje të dyfishtë – belgun nga Chelsea dhe anglezin nga Roma – duke investuar të njëjtën shumë që do të shpenzohej për të sjellë në shtëpi sulmuesin holandez nga Bolonja. Kjo lëvizje merkato është zbuluar nga kolegët e La Gazzetta dello Sport. Për t’i kuptuar më mirë këto ndërlidhje, duhet të nisemi nga klasi 2001 ish Bayern Munich. Po, sepse Djalli do të ishte i gatshëm ta paguante klauzolën çliruese prej 40 milionë eurosh të sulmuesit të Bolonjës. Mirëpo problemi është se operacioni u ngadalësua ndjeshëm për shkak të kërkesave shumë të mëdha nga ana e agjentit të futbollistit: ai kërkon për xhepat e tij 15 milionë euro. Duke e çuar në këtë mënyrë totalin e holandezit në 55 milionë euro.
Ndërkohë që nga ana tjetër, vlera e Lukakut – pas një sezoni jo shumë të shkqëlyer, me 21 gola në të gjitha kompeticionet – ka rënë dhe sot klubi i rrugës Aldo Rossi mund të negociojë me Çelsin në bazë të 25-30 milionë eurove. Por, në shënjestër të Milanit është edhe Abraham, i cili vlerësohet po ashtu rreth 30 milionë nga Roma, pas një sezoni të kushtëzuar nga rikuperimi për shkak të këputjes së ligamentit të gjurit.
Prandaj, nëse Milani do të vendosë të bëjë një goditje të dyfishtë për sulmin, shpenzimet e përgjithshme për Tammy Abraham dhe Romelu Lukaku do të ishin rreth 55 milionë euro, po aq sa do të nevojiteshin për të sjellë në shtëpi talentin Joshua Zirkzee, që nga një sezon i mirë me Bolonjës, me 12 gola të shënuar dhe 7 asiste.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
