Merkato Milan, 3 arsye se përse është goditja e përsosur: Është ky blerja e madhe e kuqezinjve

Do mund të kishte veshur fanellën e Milanit për pak më shumë se pesë milionë euro, por drejtuesit e kuqezinjve më pas vendosën t’i shpenzonin ato para në një mënyrë tjetër, duke i lejuar Bolonjës të merrte në dorë një lule të pashpërthyer ende si Riccardo Calafiori. Në duart eksperte të Thiago Mottës, mbrojtësi klas 2002 u bë shpejt një lojtar themelor në skakierën e Bolonjës. U rrit aq shumë sa tërhoqi edhe vëmendjen e Luciano Spallettit në Kombëtare.

Në fakt, Evropian për kombëtaren italiane ishte një katastrofë e vërtetë, por paraqitjet e Calafiorit ishin shpesh të një niveli të shkëlqyer, pavarësisht njëi autogol me Spanjën në fazën e grupeve. Nuk ishte i pranishëm në fushë kundër Zvicrës për shkak skualifikimi dhe mungesa e tij u ndje shumë. Calafiori është padyshim surpriza më e këndshme në botën italiane të futbollit dhe të gjithë tifozët ëndërrojnë ta shohin me ekipin e tyre. Juventus po e konsideron seriozisht, por bardhezinjtë duhet të përballen me interesimin e Liverpoolit, si dhe disa prej klubeve të tjerë më të mirë të Premier League. Ka zëra edhe për një sondazh nga Real Madrid si dëshmi e vlerës së lojtarit. Kështu pra, për Bolonjën do të jetë vërtet e komplikuar që ta mbajë.

Goditja për të bërë është Calafiori, ja sepse

Për rritjen e madhe që ka pasur, Riccardo Calafiori nuk mund të mos konsiderohet si një rast i madh i humbur i Milanit. Por ndreqja e gabimit të bërë verën e kaluar është ende e mundur. Nga ana tjetër, lojtari vazhdon të ketë karakteristikat perfekte për prapavijën e Djallit.

Mëngjërash – kuqezinjtë po eksplorojnë merkaton pikërisht në kërkim të një lojtari me këmbë të majtë – do të ishte krahu perfekt i Fikayo Tomorit dhe pas shumë problemeve që pati vitin e kaluar, nisja nga një mbrojtës vërtet i fortë do të ishte sinjali i duhur për t’i dhënë ekipit, tifozëve por edhe konkurrencës.

Çmimi, siç thamë, është i lartë. Për ta bindur Bolonjën, duhen 40-50 milionë euro, por Milani me siguri nuk do të ketë problem me paratë këtë verë të gjatë dhe të nxehtë, duke pasur parasysh lamtumirat gjithnjë e më të mundshme të Malick Thiaw dhe Ismael Bennacer, të cilët duhet të sigurojnë arkave milaniste rreth tetëdhjetë milionë euro. Duhet kujtuar gjithashtu edhe se Djalli tashmë i ka arkëtuar paratë e lamtumirës së Charles De Ketelaere dhe Alexis Saelemaekers me siguri do të largohet, duke sjellë edhe më shumë të tjera. Para për t’u riinvestuar në lojtarë të rinj e të fortë, si Riccardo Calafiori.