Merkato, hapet zyrtarisht: çfarë i mungon Milanit dhe cilat janë objektivat e tij

Seanca e merkatos verore, nga sot është zyrtarisht e hapur. Siç ndodh çdo 1 korrik, me fillimin e sezonit të ri, fillojnë edhe dy muajt e negociatave që do të na çojnë në fillimin e ndeshjeve zyrtare midis mesit të gushtit dhe fillimit të shtatorit. Megjithatë, këtë vit, gjërat janë paksa më ndryshe, me merkaton që ka qenë protagonist edhe më parë, nëpërmjet një seance të jashtëzakonshme nga 1 deri më 10 qershor. Tani që edhe kjo është histori, duhet parë përpara: çfarë i mungon Milanit? Cilat janë objektivat e klubit Rossoner?

Mesfusha, prioritet

Theksi i merkatos Rossonere do të vendoset në mesfushë, sipas asaj që është pranuar nga vetë ds Igli Tare, i cili në takimin e një jave më parë me me gazetarët konfirmoi se përparësia është forcimi i mesfushës. Nuk mund të jetë rastësi që dy blerjet e para të merkatos Milan do të jenë dy mesfushorë: njëri është Samuele Ricci, klas 2001 i Torinos, që do të zbarkojë gjatë orëve të ardhshme në Milano, për një kosto totale prej 25 milionësh dhe tjetri është Luka Modric, kampioni kroat që do të largohet nga Real Madridi në fund të Botërorit të Klubeve si transferim i lirë. Por, për të kompensuar largimin e Tijjani Reijnders, vetëm këto dy emra nuk do të ishin të mjaftueshëm. Do të nevojitet të paktën edhe një blerje tjetër: dhe është për këtë arsye që Tare po shtyn fort për Ardon Jasharin, 22 vjeçarin e Club Brugge.

Sulmues dhe mbrojtës anësorë

Detyrat e tjera të ardhshme të merkatos Rossonere kanë të bëjnë me sulmuesin dhe mbrojtësit e krahut. Për momentin, reparti ofensiv ka vetëm Santiago Gimenez, për të cilin Allegri ka disa rezerva: janë larguar Jovic dhe Abraham, me Camardën e destinuar për huazim. Kemi nevojë për një qendërsulmues të ri që të mund të ketë karakteristika plotësuese me ato të meksikanit: identikiti i Tare është i qartë, Milani dëshiron një sulmues me karakteristika “alla Giroud”. Reparti i mbrojtjes është po ashtu dobësuar shumë: pas largimeve të Walker dhe Florenzi, shpejt pritet të largohen edhe Theo dhe Emerson Royal. Milani rrezikon të mbetet vetëm me Jimenez dhe Bartesaghi, prandaj po hartohet edhe një listë mbrojtësish anësorë që mund të jenë të përshtatshëm për Max: për momentin emrat më të përfolur janë De Cuyper, Guela Doué dhe Zinchenko. Pastaj, shumë e rëndësishme do të jetë edhe menaxhimi me inteligjencë i shumë lojtarëve të tepërt: jo vetëm ata që janë kthyer nga huazimi, por edhe lojtarë që nuk duket se përshtaten më në projekt, siç janë Royal, apo Musah.