Merkato , gjithçka e konfirmuar: “Milani do bëjë këto 4 blerje! Ndërsa Conte…”

Milani ngroh motorët e tyre në funksion të merkatos së ardhshme verore. Do të jenë muaj të zjarrtë, me klubin kuqezi që duhet të veprojë në fronte të shumta, si përsa i përket merkatos në dalje ashtu edhe në atë në hyrje. Zlatan Ibrahimoviç, i legjitimuar plotësisht nga Gerry Cardinale si menaxheri kryesor operacional, është tashmë në punë. Sipas Gazzetta dello Sport, “goditja” e parë e Ibrës mund të jetë Jovan Kirovski, ish-menaxheri i Los Angeles Galaxy, i cili do t’i bashkangjitej si drejtor sportiv dhe si figurë referuese në zonën sportive. Me pak fjalë, të dy – të cilët njihen që nga ditët e tyre në Los Angeles – do ta bënin merkaton krah për krah.

Kontaktet mes palëve janë tashmë në një fazë mjaft të avancuar, aq sa Kirovski ka qenë edhe në Milano për të ndjekur nga afër skuadrën kuqezi. Ibrahimoviç pra po merr gjithnjë e më shumë frenat e Milanit dhe do të ishte i projektuar tashmë drejt fazave të ardhshme: trajneri i ri dhe merkato e re. Dhe pikërisht nga ky këndvështrim, orët e fundit kanë mbërritur të tjera lajme të rëndësishme.

4 blerje të planifikuara

Për të folur mbi merkaton e Milanit por edhe për të ardhmen e pankinës së kuqezinjve ka qenë gazetari i njohur i besimit rosoner Andrea Longoni, në kanalin e tij YouTube. Ja fjalët e tij: “Nëse nuk do të ndodhë asgjë në nivel korporativ (ardhja e fondeve arabe) besoj se e ardhshmja do të jetë një merkato që do kalojë nëpërmjet shitjes së një bigu. Nuk besoj Leao, do të thosha më shumë Theo Hernandez apo Maignan. Pastaj me ato para shkohet për të zëvendësuar lojtarin e larguar dhe jo vetëm kaq. Milani dëshiron të bëjë kryesisht këto katër lëvizje: qendërmbrojtës, mbrojtësi i djathtë, mesfushor dhe sulmues. Katër titullarë të mundshëm”. Por nuk është e gjitha.

Longoni ka nënvizuar më pas se: “Për sa i përket sulmit, Benjamin Sesko pëlqehet shumë nga Milani. Por për momentin objektivi numër një është Joshua Zirkzee. Sesko është alternativë e parë. Për mbrojtjen, përjashtojmë Kelly dhe Adarabioyo. Nga ajo që na rezulton është se objektivi i madh rikthehet të jetë Alessandro Buongiorno i Torinos. Dhe ky ndryshim drejtimi bën të kuptosh se diçka ka ndryshuar edhe në nivelin e projektit drejtues teknik. Dhe dyshoj se Buongiorno të jetë një kërkesë e qartë e trajnerit të ardhshëm të Milanit. Në lidhje me këtë, mund t’ju them se së shpejti duhet të kemi lajme të rëndësishme për Conten. Ju them se këto janë ditë shumë të rëndësishme në frontin Antonio Conte”.