Gimenez-Milan, një negociatë në foto-finish: sulmuesi që mund të zgjidhë problemet e kuqezinjve është afër, por gjithçka do të varet nga kapërcimi i një pengese të fundit, vendimtare
Me javën e fundit të merkatos në portë, Milani është në qendër të manovrave vendimtare për t’i dhënë jetë të re repartit sulmues. Fitorja ndaj Parmës, pavarësisht rezultatit pozitiv, ka evidentuar një boshllëk shqetësues: asnjë nga sulmuesit nuk e gjeti rrugën e golit. Situata i ka shtyrë drejtuesit kuqezinj për të intensifikouar kontaktet që të sigurojnë një qendërsulmues të zotë për të zgjidhur ndeshjet me vijimësi. Emri në krye të listës është Santiago Gimenez, talenti i ri i Feyenoord që javët e fundit ka tërhequr vëmendjen e Geoffrey Moncadës dhe pjesës tjetër të stafit teknik.
E ardhmja e Gimenez varet nga një fije. Të mërkurën, në sfidën vendimtare të Feyenoord në Champions League kundër Lille, sulmuesi meksikan do të ketë një rol qendror për t’i ndihmuar shokët në kualifikimin direkt në të Tetat e Finales. Performanca e tij do të shikohet me shumë interes edhe nga drejtuesit e Milanit, të cilët tashmë kanë terrenin me një ofertë fillestare të paraqitur të premten. Propozimi, që arrin në rreth 35 milionë euro në total, u cilësua i pamjaftueshëm nga klubi holandez. Pavarësisht refuzimit, kuqezinjtë nuk u tërhoqën dhe po punojnë për të paraqitur një rilançim të rëndësishëm të ofertës.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Strategjia e Milanit duket tashmë e përcaktuar. Gimenez konsiderohet si përforcimi ideal për të zgjidhur problemet ofensive që po limitojnë ambiciet sezonale të klubit. Propozimi i ri, i cili duhet të mbërrijë nesër, do të jetë rreth 35 milionë euro bazë fikse, me shtimin e bonuseve që lidhen me performancën e lojtarit. Shifrat e sulmuesit të ri flasin vetë: 15 gola në 18 ndeshje zyrtare janë dëshmi e besueshmërisë së tij para portës. Objektivi i kuqezinjve është mbyllja e marrëveshjes deri në fund të muajit, duke shmangur rrezikun e konkurrencës më të ashpër gjatë seksionit të merkatos verore. Gimenez, nga ana e tij, mund të bëhet lojtari kryesor për rilançimin e Milanit drejt objektivave të reja.
