Kanë mbetur edhe 12 ditë deri në hapjen e kampionatit dhe Milani, që vazhdon të punojë dhe të asimilojë konceptet e Paulo Fonsekës në tokën amerikane, është ende një skuadër e paplotë për sa i përket organikës. Ka një ecuri të ngadaltë në merkato, e cila është në kontradiktë të plotë me atë që tifozët do të kishin dashur të shihnin, pritej një operacionalitet ndryshe. Giorgio Furlani ka thënë në disa raste se Milani duhet gdhendur me durim dhe qetësi, por në më pak se dy javë para ndeshjes kundër Torinos, disa pjesë të rëndësishme të strukturës mungojnë ende. Para së gjithash mesfushori i qendrës, ku tashmë është evidente strategjia e Milanit me Monaco, ndryshe thënë rritja graduale e ofertës për kartonin e futbollistit për t’i bërë monegaskët ta shesin me shifra më të përshtatshme për statusin e lojtarit, i cili nuk do ta rinovojë kontratën me klubin e Principatës dhe që për rrjedhojë çmimi i kartonit të tij nuk mund të shkojë te 35 milionët e kërkuara. Një sjellje e ftohtë, e pamëshirshme, një llogaritje kjo e drejtuesve të Milanit, që është në kundërshtim total me rregullat kanunore të merkatos dhe që shumë klubeve nuk i pëlqen. Por nga njëra anë, nëse bën pjesë në një sistem që gjeneron pak fitime siç futbolli i Serie A, mund t’i lejosh vetes shumë pak romanticizma nëse deshiron të arrish qëllimet që ke vënë. Thënë këto, kjo javë do të duhet të jetë ajo në të cilën Furlani do të duhet të vendosë motorin në marshin më të lartë.
Emerson Royal është vetm një hap larg, përsa i përket mesfushës, të rejat më të fundit janë ato që sapo cituam më lart, por duhet shtuar dhe Kone i Borussia Mönchengladbach që është një alternativë e vërtetë. Më pas duhet kuptuar pista për sulmuesin e dytë krah Alvaro Moratës. Ndërshmërisht shpresoja që Milani të fundoste goditjen për Niclas Fullkrug, i cili ka një standing më të lartë se Tammy Abraham, i cili, deri më sot, duket të jetë emri më i nxehtë brenda drejtuesve milanistë. Fonseca duhet të ketë dhënë komentet e tij pozitive për anglezin, i cili sapo është kthyer nga një periudhë e vështirë te Roma pas dëmtimit të rëndë dhe një rikthimi në fushë që sigurisht nuk e pa të shkëlqejë. Ndoshta një ndryshim i ajrit të kryeqytetit mund t’i bëjë mirë anglezit, por ndershmërisht – dhe shpresoj që të gaboj – prisja diçka ndryshe dhe më ekzaltuese. Ah, të mos i shkojë mendja askujt të fusë Okafor në negociata për Abrahamin eh… ndoshta Jovic dhe Saelemaekers, sado i dobishëm të jetë belgu, mund të jenë homologë teknikë për t’u përfshirë, por jo zvicerani.
Por suksesi i një merkatoje qëndron edhe tek shitjet. Dhe këtu janë problemet e vërteta. Origi dhe Ballo-Touré janë ndarë të ndarë, brenda në shtëpi dhe gëzojnë një lloj “papunësie” të paguar shumë mirë. Për ta ekziston rreziku i heqjes dorë nga paratë për sa i përket ndonjë fitimi për kartonin e Ballo dhe të punohet për zgjidhjen e kontratës së belgut për të hapur vend, por edhe duke u çliruar nga pesha e tyre në buxhet që është e rëndë. Adli dhe Pobega, nëse do të vinte një mesfushor i ri, do të ishin të larguar ashtu si dhe Thiaw që nuk është më i pashitshëm.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
