Po vjen numri 9 i ri i Milanit. Kuqezinjtë tani duket se e kanë mbyllur për Alvaro Moratwn, me sulmuesin spanjoll që do të veshë fanellën e Djallit si kapiteni Kampion i Evropës 2024, me kombëtaren e tij. Vjen, pra, kaq shumë i kërkuari qendërsulmues dhe Milani siguron një profil të vlefshëm dhe me përvojë. Megjithatë, do të mundet ta tejkalojë Morata testin… e 9-tës?
Në fakt, roli i qendërsulmuesit, veçanërisht te Milani, është plot gracka. Mallkimi i shumëpërfolur i numrit 9 u thye vetëm së fundmi nga Olivier Giroud, por përpara sulmuesit francez kanë qenë qendërsulmues të ndryshëm që, për fat të keq, kanë dështuar në një sipërmarrje të tillë. Kurse Morata, nuk duket se është aspak i ngjashëm me Giroud. Ky i fundit ishte një lojtar i zonës së penalltisë, një shkëmb mbi të cilin mbështeteshe në momentet më të komplikuara të ndeshjes dhe një prani fikse kur bëhej fjalë për topa të gjatë.
Ndërsa Morata, përkundrazi, është një lojtar më “kolektiv”, i zoti për të frezuar me shokët dhe për të hapur rrugën për sulmet e Leaos dhe Pulisiç. Të shohim se si spanjolli do të përshtatet me lojën e re të Paulo Fonsekës, por sidoqoftë jemi të sigurt se ai është një garanci, edhe kur bëhet fjalë për numrin e golave të shënuar.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Së fundi, mbetet një çështje thjesht supersticioze, e cila megjithatë ka goditur edhe një nga bashkatdhetarët e tij. Morata do të jetë i 13-ti lojtar spanjoll që do të veshë fanellën e Milanit dhe, më 2014, ishte pikërisht Fernando Torres ai që mori mbi supe numrin e rëndë 9. 10 paraqitje me vetëm një gol, ndaj Empolit në Castellani. A do të mundë Morata të marrë trashëgiminë e rëndë të Olivier Giroud? Të gjithë tifozët e Djallit do të duhet të presin deri më 17 gusht…
