Fjalët e Mike Maignan në Arabinë Saudite nuk ishin thjesht deklarata para një ndeshjeje prestigjioze.
Maignan flet, sinjalet janë të qarta
Ato ishin mesazhe. Mesazhe të ftohta, të peshuara, pothuajse kirurgjikale, që tregojnë një realitet shumë më kompleks se sa një rinovim i thjeshtë kontrate. Kapiteni i Milanit foli për qetësinë e rikthyer falë Allegrit dhe Claudio Filippit, por kur erdhi momenti për të ardhmen e tij, toni ndryshoi. Uji i ftohtë mbi zjarr ishte i dukshëm.
Rinovimi? Një derë që sot duket e mbyllur
More Read
“Nuk është diçka që duhet të më shqetësojë”. Një fjali që, për kë di të lexojë mes rreshtave, thotë shumë. Në futboll, kur ka vullnet për të qëndruar, fjalët janë të tjera. Sot, ndjesia është se vendimi i Maignan – dhe i stafit të tij – është marrë, ndikuar fort nga zhgënjimi i janarit 2025. Koha mund të ndryshojë diçka, por Milani nuk mund të presë pafundësisht.
Milinkovic-Savic dhe rreziku i shmangur
Nëse ka diçka për të cilën Milani mund të ndihet i lehtësuar, është pista Milinkovic-Savic. Verën e kaluar, në rast largimi të Maignan, ai ishte një ndër profilet e ndjekur nga Tare. Sot, duke parë paraqitjet e tij te Napoli i Contes, fjala është vetëm një: një rrezik i shmangur. Portieri kuqezi, pavarësisht dilemave për të ardhmen, mbetet një siguri teknike dhe karakteriale.
Janari: nevojat reale, jo justifikime
Merkatoja e dimrit nuk fal gabime. Fillimisht ishte mbrojtja prioriteti absolut, e konfirmuar nga dëmtimi – sado i vogël – i Gabbias. Më pas erdhi çështja Gimenez, me dhimbje reale dhe një operacion që ndryshoi planet. Sot, një qendërsulmues është po aq i domosdoshëm sa një mbrojtës qendror.
Füllkrug, zgjidhje apo kompromis?
Emri i Niclas Füllkrug qarkullon, por nuk bind. Mosha, historia e dëmtimeve, shifrat modestë të viteve të fundit: pyetja është legjitime. A është ky sulmuesi që i duhet Milanit për të ndryshuar ritmin e sezonit, apo thjesht një zgjidhje emergjente? Në kushtet kur Gimenez nuk është i shitshëm, hapësirat janë të kufizuara.
Ose dy përforcime të vërteta, ose asgjë
Mesazhi final është i qartë dhe i fortë: Milani nuk ka nevojë për arnime. Ose merkatoja sjell dy përforcime të vërteta, të afta për të ndikuar menjëherë, ose është më mirë të mos ndërhyhet fare dhe të merret përgjegjësia. Dy “arrna” janë të pranueshme vetëm për klubet e vogla. Jo për Milanin.
Identiteti i një klubi të madh
Në fund, gjithçka kthehet te identiteti. Milani i Allegrit ka rikthyer disiplinën, qetësinë dhe konkurrueshmërinë. Tani i duhet koherencë edhe në merkato. Sepse ky sezon nuk ka nevojë për iluzione, por zgjedhje të forta. Dhe janari do të tregojë nëse Milani është gati t’i bëjë ato.
BËHU PJESË E KLUBIT ONLINE TË TIFOZËVE ROSSONERË, MILANISTAT.com, PËR TË MARRË ÇDO DITË, NË ÇDO MOMENT, TË REJAT MË TË FUNDIT QË REDAKSIA JONË, ME BASHKËPUNËTORË NË MILANO, ROMË, BERLIN, LONDËR DHE NJU JORK J’UA OFRON ME CILËSINË MË TË MIRË. MJAFTON TË KLIKOSH NË LINKUN KËTU>>>>>>, ose TË KLIKOSH NË LINKUN TJETËR KËTU>>>>>>
