Merkatoja e janarit zakonisht është terren i minuar, veçanërisht për një Milan që këtë sezon duhet të bëjë llogaritë me një organik jo të gjatë dhe me mungesën e Champions League.
PAS FULLKRUG, FRERË TË TËRHEQURA: ALLEGRI BEFASON TË GJITHË
Pas afrimit të Niclas Fullkrug, i thirrur për të mbyllur një boshllëk të krijuar nga dëmtimi i Gimenez, shumë prisnin hapin e radhës: një mbrojtës qendror me eksperiencë.
More Read
Por Massimiliano Allegri, pas fitores ndaj Cagliarit, vendosi të shuajë çdo zë me një deklaratë të thatë dhe të prerë para mikrofonave të Rai-t:
“Absolutisht jo. Kemi Odogu që po rritet shumë dhe De Winter që po bën mirë.”
Fjalë që ranë si kovë me ujë të ftohtë mbi pritshmëritë e ambientit kuqezi.
MBROJTJE E SHKURTËR, POR PORTË E PAPREKUR
Është e vërtetë: Milani vjen nga dy fitore radhazi pa pësuar gol, edhe pse me mungesa në repartin e prapavijës. Një sinjal pozitiv, por jo domosdoshmërisht qetësues. Sepse realiteti thotë se mbrojtja kuqezi është numerikisht e kufizuar dhe çdo dëmtim tjetër i një titullari do të hapte një gropë të vështirë për t’u mbuluar.
Shembujt nuk mungojnë. Mjafton të kujtohet mungesa e Gabbia-s: peshoi rëndë si në humbjen ndaj Sassuolos në kampionat, ashtu edhe në gjysmëfinalen e Superkupës kundër Napolit. Dy ndalesa që kanë lënë gjurmë në një sezon deri tani shumë solid.
BESIM TE TË RINJTË: ZGJEDHJE APO DETYRIM?
Në letër, një përforcim do të shërbente. Në praktikë, drejtuesit e Milanit nuk duken të gatshëm të investojnë në mënyrë të rëndësishme në janar. Pa të ardhurat e Champions-it dhe me kujtimin ende të freskët të gabimeve të merkatos dimërore të sezonit të kaluar, linja është e qartë: shpenzime minimale, rrezik i kontrolluar.
Edhe operacioni Fullkrug shkon në këtë drejtim. Dhe pikërisht këtu hyn në lojë interpretimi i deklaratës së Allegrit: më mirë të mos marrësh “dikë sa për të marrë”, sesa të prishësh ekuilibrat dhe të bllokosh rritjen e atyre që janë tashmë në shtëpi.
De Winter, pas fillimit me luhatje, po jep sinjale sigurie sa herë thirret në detyrë. Ndërsa Odogu është një investim për të ardhmen: pak minuta deri tani në Serie A, por një profil që klubi e sheh me interes dhe durim.
ALLEGRI DHE ARTI I NASCONDINOS
Kush e njeh Allegrin, e di: fjala e tij publike shpesh është një perde. Trajneri livornez di të mbrojë skuadrën dhe klubin, di të ulë presionin dhe, mbi të gjitha, di të blejë kohë. Sot thotë “jo”, por merkatoja e janarit është e gjatë dhe plot raste të papritura.
Nëse në gjysmën e dytë të muajit shfaqet një mundësi me kosto të ulët, një huazim i zgjuar apo një profil “last minute”, është e vështirë të imagjinohet një Milan që mbyll derën pa hezitim.
PRUDENCË, LOGJIKË DHE NJË DERË GJYSMË E HAPUR
Për momentin, linja është e qartë: besim te grupi, mbështetje për të rinjtë dhe asnjë nxitim në merkato. Por kampionatet nuk fitohen vetëm me fjalë dhe statistika të përkohshme. Një mbrojtje e shkurtër mbetet një rrezik latent.
Allegri luan a nascondino, Milani vëzhgon, drejtuesit bëjnë llogaritë. Janari është ende i gjatë. Dhe në shtëpinë kuqezi, surprizat rrallëherë paralajmërohen.
BËHU PJESË E KLUBIT ONLINE TË TIFOZËVE ROSSONERË, MILANISTAT.com, PËR TË MARRË ÇDO DITË, NË ÇDO MOMENT, TË REJAT MË TË FUNDIT QË REDAKSIA JONË, ME BASHKËPUNËTORË NË MILANO, ROMË, BERLIN, LONDËR DHE NJU JORK J’UA OFRON ME CILËSINË MË TË MIRË. MJAFTON TË KLIKOSH NË LINKUN KËTU>>>>>>, ose TË KLIKOSH NË LINKUN TJETËR KËTU>>>>>>
