Leao si CR7: si po kërkon Allegri ta bëjë Rafën, më të mirin në botë

Massimiliano Allegri e di shumë mirë se lojtari më vendimtar në organikën e tij është padyshim Rafael Leao, dhe për këtë ka ndërmend një plan shumë specifik për ta ndihmuar të luajë i çlirët, pa shumë detyra të tjera shoqëruese, ngjashëm me atë që bëri disa vite më parë te Juventusi kur mbërriti Cristiano Ronaldo. Trajneri livornez po shqyrton madje edhe shtimin e një mesfushori tjetër, për të pasur ndër sy edhe krahun e majtë kur numri 10 milanist “të harrojë” të bëjë edhe fazën e mbrojtjes.

SI MATUIDI TE JUVE – Janë kolegët e të përditshmes së madhe sportive La Gazzetta dello Sport të cilët na sjellin në kujtesë faktin se gjatë kohës së Maks te Juventus, këtë rol e ka pas luajtur Matuidi, që duke lëvizur në mesfushën e poshtme të krahut të majtë mbushte boshllëkun që lihej nga CR7. E pra, dikush do të duhet të bëjë të njëjtën gjë edhe te Milani me Leaon, nga i cili Allegri, sidoqoftë pret paksa më shumë punë mbrojtëse sesa kërkonte nga Cristiano Ronaldo. Atëherë, kush do të ngarkohet me këtë punë? Është e pamundur t’ia kërkosh Luka Modric, kështu që mund të jetë njëri prej Youssouf Fofana dhe Ruben Loftus-Cheek, por për të kuptuar përbërjen e mesfushës së milaniste, do të duhet të shohim se si do të përfundojë negociata Jashari.

Lexo më shumë

Nuk vihet në diskutim vlera e Nkunku. Problemi është se ai nuk shënon

Është Milani i Luka Modriç, është Milani i Max Allegrit

Prapaskena Modric, çfarë ndodhi në ditët e tij të para te Milani: “E pabesueshme”

Ranking UEFA: Milani përpara Juventusit dhe Napolit, ‘Por’…

Viktimë e një vendimi të padrejtë: çfarë i tha Allegri arbitrit dhe pse përjashtimi i tij është i tepruar

MBROJTËS I RI ANËSOR – Një dorë në fazën mbrojtëse Leaos do të duhet t’ia japë edhe mbrojtësi i ri i majtë që do të duhet t’i kushtojë më shumë vëmendje diagonaleve mbrojtëse dhe të ruajë zonën, nga sa ka pas bërë paraardhësi i tij Theo Hernandez, i cili, veçanërisht gjatë sezonit të fundit, la boshllëqe shumë të mëdha në mbrojtje,. Nga merkato, pra, mund të vijë një mbrojtës anësor më pak agresiv dhe më i zoti në mbulim, duke e çliruar kështu Leaon edhe më shumë në fazën sulmuese, me shpresën që të mund të bëhet gjithnjë e më vendimtar.