Milani përgatitet për rikthimin në fushë dhe pritshmëria për të parë blerjen më të shtrenjtë të merkatos verore 2025 në fushë ka arritur në zenith: Christopher Nkunku.
Të dielën më 20:45 do të jetë momenti i tij, në një sfidë që paraqet gracka të dukshme taktike dhe që revokon një kujtim të hidhur, finalen e Kupës së Italisë të humbur majin e kaluar.
Milan-Bologna nuk është kurrë një ndeshje banale, veçanërisht kjo, e cila do të shënojë edhe debutimin e qendërsulmuesit francez me fanellën Rossonere, nga minuta e parë apo gjatë ndeshjes në vazhdim.
Kushtet atletike të Nkunku: thelbësore, ndërprerja prej ndeshjeve të kombëtareve
Lexo më shumë
Një takim me vlerë të fortë simbolike, me Nkunku i thirrur të zëvendësojë Rafael Leaon, i cili është ende jashtë skuadre për shkak të dëmtimit të pësuar më 17 gusht kundër Barit në San Siro.
Gjatë këtyre dy javëve të ndërprerjes së kampionatit për shkak të ndeshjeve të kombëtareve, ish Chelsea ka punuar intensivisht për të rifituar formën optimale, thelbësore për një lojtar eksploziv dhe të paparashikueshëm si ai.
Pa shkëlqim atletik, shumë prej cilësive të tij rrezikojnë të zbehen, duke humbur atë shkëndijë që e ka bërë special përgjatë gjithë karrierës së tij.
Pauza i ka mundësuar Massimiliano Allegrit ta studiojë nga afër Nkunku, duke vlerësuar mënyrën më të mirë për të shfrytëzuar atributet e tij unike në skenën evropiane.
Janë të paktë lojtarë që kanë zotësinë të kombinojnë teknikën me shpejtësinë, paparashikueshmërinë dhe ftohtësinë përpara portës. Një profil që të kujton Ademola Lookman, tashmë protagonist në Serie A: atalantini është ndoshta më sulmues, por më pak i paparashikueshëm se francezi.
Momenti ka mbërritur: Nkunku është gati për debutimin me Milanin
Pas javësh pritjeje, momenti i Nkunku më në fund ka mbërritur. Qoftë titullar apo zëvendësues, një gjë është e sigurt: Christopher ka dëshirën të lerë menjëherë gjurmën e tij.
Integrimi i tij në sistemin taktik nuk do të jetë i menjëhershëm, por potenciali është i pafundtë: Nkunku mund të bëhet çelësi vendimtar për kapërcimin në cilësi.
Milani shpreson të ketë gjetur një yll të ri: tani i takon Christopher që të ndriçojë San Siron.
