Calha lo sai, perché tu non segnavi mai – Calha, e di pse, nuk shënoje kurrë… A do ta këndonin sot tifozët e Interit të njëjtën këngë që shpikën disa sezone më parë për ta bërë Hakan Calhanoglun logon e “Interit të madh” dhe Milanit “të vogël”? Në të vërtetë, golat milanistë të Calhanoglu kanë qenë 32 dhe ato interistë janë 38… me disa penallti më shumë… jo ndonjë ndryshim kushedi çfarë sa i përket shifrave në përgjithësi.
Përtej shifrave
Por, le të shkojmë përtej numrave. Kur Hakan, në verën e vitit 2021, la Milanin, siç e kujtoi edhe vetë para fare pak kohësh “me zero”, Milani u kritikua shumë. Ndërsa narracioni i sotëm, pas deklaratave amerikane të Lautaro Martinez, e vendos futbollistin e kombëtares turke në shënjestër të kritikave shumë më tepër sesa Interin.
Çfarë nënkupton kjo…
Epo… duke u ndjerë nën sulm, Milani u bashkua: rriti në mënyrë eksponenciale rendimientin e Tonalit, mori Brahim Diaz dhe fitoi Scudetton. Këngët e festës tricolore kundër Calhanoglu nuk ishin për shkak të faktit që ai ishte larguar nga Milani, por lidheshin me deklaratat e tij për periudhën Rossonere dhe sjelljet që kishte në derbi kundër tifozëve të Milanit.
Gjurmët që Calha lë pas tij në momentin aktual interist nuk janë unitet: kapiteni i skuadrës është deklaruar publikisht kundër tij, ndërsa Marcus Thuram ndryshe nga argjentinasi ka mbështetur turkun. Përçarje më e madhe pra!!!… Me vetë Hakanin që u rrëfen miqve se ka marrë telefonata dhe mesazhe mbështetëse prej shokë të tjerë të skuadrës.
