Milani ka përjetuar një tjetër mbrëmje makthi në këtë fillim torturues të sezonit për ngjyrat kuqezi. Para tifozëve të tyre, skuadra e Fonsecës ngriti flamurin e bardhë kundër Napolit të Antonio Contes, i cili fitoi 2-0 falë golave të shënuar që në pjesën e parë nga Lukaku dhe Kvaratkshelia.
Falë këtij suksesi napolitanët – gjithnjë e më të vetmuar në krye të klasifikimit – kanë kaluar në +11 ndaj kuqezinjve, aktualisht në vendin e tetë dhe jashtë zonës së Evropës. Milani ka edhe një ndeshje për të luajtur, atë në Bologna (pothuajse me siguri në shkurt 2025), por hendeku nga kreu i tabelës ka filluar të bëhet vërtetë shumë i madh.
Ambjenti kuqezi është në turbullirë të plotë dhe në shënjestër të tifozëve janë para së gjithash zgjedhjet e Paulo Fonsecës. Feeling mes trajnerit portugez dhe tifozëve të Milanit nuk ka lulëzuar asnjëherë, as pas fitores në derbin e shtatorit të kaluar. Por, krahas rezultateve, në fakt skuadrës i mungon edhe loja: është kjo arsyeja që sipas shumë zërave, drejtuesit po mendojnë seriozisht për ndryshimin e drejtimit teknik.
Thërritet Allegri! Një kthesë e bujshme për Milanin
Ndërkohë, shumë tifozë të Milan drejtojnë gishtin nga klubi, fajtor se nuk deshi të firmoste me Antonio Conte në verë por zgjodhi Paulo Fonsecën. Trajneri salentin u kënaq me hakmarrjen e marrë duke pushtuar San Siron me Napolin e tij dhe duke ulur në mënyrë drastike shpresat e Djallit për kampionat.
Edhe në X tifozët kuqezi janë tërbuar: njëri për tyre shkruan se sezoni tashmë që në tetor dhe e vetmja mënyrë për t’u rikthyer në karrexhatë është shkarkimi i menjëhershëm i portugezit. Një nga profilet që tifozët do të donin më shumë për momentin është Massimiliano Allegri: trajneri livornez, që e njeh shumë mirë ambientin dhe që në të kaluarën ka mundur të fitojë një skudeto dhe një Superkupë italiane në stolin e Milanit. duket personi i duhur për të qetësuar zemrat dhe sipas tifozëve për të ringritur skuadrën që të paktën të përpiqet të futet në katër të parat.
Allegri është i lirë pas shkarkimit nga Juventusi që erdhi menjëherë pas finales së Kupës së Italisë të fituar ndaj Atalantës. Trajneri toskan nuk ka gjetur ende skuadër dhe sipas disa zërave është në pritje të Milanit.
