I mjaftoi 81 minuta në fushë për të lënë gjurmë. Ardon Jashari, një nga blerjet më të shtrenjta të sesionit veror të Milanit, rikthen entuziazmin e munguar të tifozëve pas muajsh zhgënjimi dhe pritjeje.
Një debutim që rikthen buzëqeshjen
I ardhur nga Club Brugge për rreth 38 milionë euro, lojtari shqiptar e pa startin e aventurës kuqezi të ndërpritet në fund të gushtit, kur një dëmtim i rëndë e detyroi të ndalonte për disa javë.
More Read
Rikthimi i tij i ngadaltë në grup mori formë përfundimtare mbrëmë, në sfidën e Kupës së Italisë ndaj Lazios. Allegri i besoi një rol të vështirë – atë të regjisorit para mbrojtjes, në mungesë të Modric. Dhe përgjigjja e Jasharit ishte inkurajuese.
Personalitet dhe volum loje në mesfushë
Gjatë pjesës së parë, Jashari preku shumë topa, u ofrua vazhdimisht në organizim dhe tregoi një cilësi të veçantë: kërkoi topin edhe nën presion. Loja e tij ishte ndërtuar mbi thjeshtësinë dhe risk minimal, me shumë pasime të shkurtra dhe të sigurta.
Nuk munguan disa gabime individuale, dy topa të humbur dhe mungesa e vertikalizimeve të shpejta, por këto elemente shpjegohen pjesërisht edhe nga vendosja kompakte e Lazios dhe lëvizja e pakët pa top e shokëve të skuadrës.
Në fazën mbrojtëse, Jashari u tregua i kujdesshëm: përdori mirë trupin, ndërhyri në disa situata të rrezikshme dhe lexoi disa parashikime të lojës me maturi, element që i vjen natyrshëm.
Rritje gjatë lojës dhe sinjale të qarta
Pjesa e dytë e gjeti atë më pak të përfshirë numerikisht, por më efikas. Topat që preku, i luajti mirë. Spikati një aksion që mund edhe të kishte ndryshuar historinë e ndeshjes: një pasim i gjatë vertikal, perfekt në kohë dhe hapësirë për Estupinan, i cili u fut pas mbrojtjes dhe e ktheu topin për Leao – portugezi goditi mbi tra. Aksion tipik i një regjisori modern.
Ky detaj nuk është i rastësishëm: në minutat finale, me shumë mundësi edhe me udhëzimet e Allegrit, Jashari kërkoi më shpesh vertikalizimet dhe ndryshimet e frontit, duke treguar se ka një arsenalin teknik që ende nuk e ka shfaqur plotësisht.
Çfarë mëson Milani?
Pavarësisht humbjes, Milani del me një përfitim të madh: Jashari tani është një opsion konkret për mesfushën. Në ndeshjen e tij të parë të vërtetë si titullar, ai tregoi maturi, personalitet dhe strukturë loje.
Një lojtar i ri, i ftohur nga stoli për muaj të tërë, i hedhur në një sfidë delikate dhe që përgjigjet me një paraqitje solide – këto janë sinjale që vështirë se kalojnë pa vëmendje.
Përpara ka vetëm rritje
Vlen të shihet në perspektivë: Jashari ka vetëm disa ditë stërvitje të plota me grupin, vjen nga një dëmtim i rëndë, në një rol të ndërlikuar taktik dhe megjithatë jep një ndjesi sigurie. Nëse ritmi dhe shpejtësia e qarkullimit të topit do të rriten, Milan mund të ketë gjetur një lojtar që i shton alternativa mesfushës dhe i lejon më shumë frymëmarrje Modric.
Investim premtues
Milan i djeshëm nuk mori rezultatin, por mori një lajm: Jashari është këtu, është gati dhe ka potencial real. Vetëm 21 vjeç, me një fizicitet që nuk e tradhton dhe një qartësim të lojës që duhet vetëm të përshpejtohet, ai duket i destinuar të rritet.
Në një sezon të gjatë dhe të lodhshëm, me dëmtimet që kanë dërrmuar strukturën e ekipit, ky debutim nuk është thjesht statistikë – është premtim. Dhe tifozët e Milanit, të uritur për surpriza pozitive, kanë të drejtë të shpresojnë.
BËHU PJESË E KLUBIT ONLINE TË TIFOZËVE ROSSONERË, MILANISTAT.com, PËR TË MARRË ÇDO DITË, NË ÇDO MOMENT, TË REJAT MË TË FUNDIT QË REDAKSIA JONË, ME BASHKËPUNËTORË NË MILANO, ROMË, BERLIN, LONDËR DHE NJU JORK J’UA OFRON ME CILËSINË MË TË MIRË. MJAFTON TË KLIKOSH NË LINKUN KËTU>>>>>>, ose TË KLIKOSH NË LINKUN TJETËR KËTU>>>>>>
