Theo Hernandez dhe Kessie do të mbeten në kujtesën e tifozëve Rossonerë si dy nga protagonistët e skudetos së fundit të fituar nga Milani, të nëntëmbëdhjetën në historinë e klubit. Në fakt, të dy, nën drejtimin e Piolit patën zhvilluar sezone të shkëlqyera.
Tani, asnjëri prej tyre nuk është më Rossoner. Teksa i pari sapo u largua nga Milanello, duke pranuar ofertat e Al Hilal, i dyti është larg Milanit prej kohësh. Por, edhe ai, gjendet në në Arabinë Saudite, ku që nga viti 2023 vesh fanellën e Al Ahli.
Pak pas mesnatës së sotme, Theo Hernandez dhe Kessie u përballën me njëri-tjetrin në Saudi Pro League. Ndeshja midis dy ekipeve përfundoi në barazim 3-3.
Lexo më shumë
Goli i parë për Al Hilal u shënua pikërisht nga ish numri 19 Rossoner. Në fund të ndeshjes, pati një moment të bukur midis të dyve. Në tunelin që të çonte në dhomën e zhveshjes, u përshëndetën dhe u përqafuan njëri-tjetrin. Me shumë mundësi kanë kujtuar kohët e bukura të kaluara së bashku te Milani.
Sportitalia në kanalin e saj X, ka postuar momentin e takimit midis të dyve. Me mbishkrim: “Theo Hernandez dhe Kessie takohen përsëri (si kundërshtarë). I pari me fanellën e Al-Hilal dhe i dyti me fanellën e Al-Ahli. Milanistë…nostalgji?
