Kanë qenë kolegët e të përditshmes sportive Tuttosport ata që kanë habitur sot tifozët milanistë dhe jo vetëm për një skenar të mundshëm merkatoje: transferimin e Daniel Maldinit, aktualisht te Monza, por që është rrit – ça va sans dire – kuptohet – te Milani. Drejtori sportiv i klubit zikaltër, Piero Ausilio, është prezantuar në U-Power Stadium fundjavën e fundit të kampionatit për të ndjekur Monza-Roma. Të vëzhguar specialë, Warren Bondo dhe Maldini junior.
Daniel Maldini i pëlqen Interi mesa duket sepse është i ri (klas 2001) dhe italian (i sapo thirrur në kombëtaren e Luciano Spallettit). E mbi të gjitha ka karakteristika teknike të ndryshme në krahasim me sulmuesit e tjerë të organikës së Simone Inzaghit. Ngjan paksa me Albert Guðmundsson, i ndjekur prej muajsh nga klubi i rrugës Liberazione por që më pas përfundoi te Fiorentina.
Me pak fjalë, për të ardhmen, theksojnë kolegët e të përditshmes sportive torineze, profili i Daniel Maldinit si sulmuesi i katërt i Interit pas Lautaro Martínez, Marcus Thuram dhe Mehdi Taremi nuk është aspak për t’u hedhur poshtë. Por, me lejen e Milanit. Klubi i rrugës Aldo Rossi, në të cilin është rritur Maldini, duke u larguar përfundimisht për te brianzolët verën e fundit të merkatos, ka mbajtur 50% të një rishitjeje të ardhshme të lojtarit.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Që do të thotë, përveç një arkëtimi të mundshëm prej gjysmës së shumës së shitjes së Daniel Maldinit në një klub të tretë, edhe mundësinë e riblerjes së tij. Dhe me gjysmën e çmimit të klubeve të tjera. Mbi të gjitha, Milani ka ruajtur të drejtën e parablerjes për djaloshin. Djalli mund të përballojë çdo ofertë dhe ta risjellë në shtëpi atë, gjithnjë nëse futbollisti – një tifoz i Milanit që nga fëmijëria – është dakord.
