Tani vijnë dy provime të rëndësishëm për veshjen e re të përzgjedhur nga Conceiçao, kundër dy mjeshtërve të mbrojtjes me tre si Gasperini (nuk është në listën për trajner të Milanit për sezonin e ardhshëm, në këtë moment) dhe Simone Inzaghi. Por bindja e fortë është se nëse Milani hyn në këto dy ndeshje i bindur dhe i përqëndruar, sepse mund të bëjë ndeshje të mëdha, atëherë këto do të materializoheshin edhe në fushë.
“Hej Siri, më telefono pak Iglin, të lutem”. Nëse gjithçka konfirmohet, ditët në vijim duhet të jenë ato të rikthehen në kontakte të drejtpërdrejta me Igli Taren, i cili deri dje nuk ishte thirrur nga Milani pas bisedimeve në Londër me Cardinalen dhe Ibrahimovic. Me rënien e pozicionit të Paratici-t (Milani mund ta kishte marrë, por nuk e bëri për arsye të ndryshme, përfshirë edhe rrezikun e sanksioneve të reja si ndaj ish Juves ashtu dhe klubit), në vijën e nisjes kanë mbetyr ish Lazio dhe Tony D’Amico, me Atalantën që nuk ka ndërmend ta lerë të lirë drejtorin e saj sportiv i cili gjithashtu është bezdisur goxha nga manovrat rreth tij. Emri i Giovanni Sartorit, i dalë ditët e fundit, nuk është konfirmuar edhe për shkak se drejtuesi nuk duket se ka ndërmend të lëvizë nga Bolonja.
