Gola, asiste dhe miliona në tym: Leao në pankinë është vërtet zgjidhja e duhur?

Nuk jemi në dijeni të përsese që mund të jenë arsyet e një përjashtimi tjetër të Rafa Leaos nga formacioni titullar. Por është e qartë se përjashtimi i portugezit nuk mund të kuptohet më si thjesht një çështje teknike/taktike.

Paulo Fonseca po tregon se ka karakter dhe nuk dëshiron të shikojë në fytyrë askënd, duke vendosur të përjashtojë madje edhe elementin më të rëndësishëm të skuadrës. Por kujdes, nuk janë gazetarët apo tifozët e lojtarit, siç duan ta kalojnë disa, që e zgjodhën portugezin si lojtarin më të rëndësishëm të Milanit, por ishte vetë klubi që e ka bëri këtë. E bëri kur vendosi ta bënte elementin më të paguar të skuadrës, duke e përkëdhelur dhe i rinovuar kontratën e tij. Një kontratë e komplikuar për shkak të ngjarjeve të njohura të lidhura me Sportingun. Nga ana tjetër, sakrifica ishte e madhe. Ishte fitorja e Giorgio Furlanit që bëri gjithçka për ta blinduar Rafa Leaon dhe ia doli. Një Leao që nuk ishte kampion as tre vjet më parë kur me lojërat e tij fitoi Skudeton, as dy vjet më parë kur fluturonte në gjysmëfinalet e Champions League, me një Napoli në mëshirën e shpërthimeve të tij. Por edhe vitin e kaluar, kur pavarësisht gjithçkaje, Milani e mbylli në vendin e dytë (nuk ka asgjë për të festuar, e vërtetë, por sot situata është edhe më shumë e përkeqësuar), dhe sigurisht që kontributi i portugezit ka qenë shumë i madh. Nga ana tjetër, në tre vitet e fundit ka realizuar gjithmonë gola në dy shifra: 14gola dhe 12 asiste më 2021-22, 16gola dhe 15 asiste më 2022-23 dhe 15gola dhe dhe 14 asiste më 2023-24.

Milan, Leao e ndan më dysh botën kuqezi

Shifra që nuk janë gjithçka në futboll, por që sidoqoftë ende bëjnë diferencën. Shifra që i përkasin atij lojtari që u sot është i dënuar të qëndrojë në pankinë nga Paulo Fonseca. Trajneri vendosi të hiqte dorë prej tij. Disa ende besojnë se është zgjedhja e duhur për të bërë që më fund Leao të lulëzojë; ndërsa të tjerë, nuk besojnë më në këtë ‘përrallë të bukur’, të bindur se dhjeta e Djallit tashmë është vetëm një rezervë për ish trajnerin e Lille.

Por nëse trajneri do të kishte vërtet të drejtë, pra më konkretisht, çfarë do të ndodhte me Leaon nëse nuk do të tregonte shenja ndryshimi? Dhjeta e Milanit a do të vazhdojë të qëndrojë më në stol? Nëse përgjigja është po, është e qartë se do të ishte një humbje për të gjithë: në radhë të parë për klubin, i cili deri tani ka heshtur bujshëm për këtë situatë; pastaj për Fonsekën që do të kishte përkeqësuar elementin më të rëndësishëm që i besoi Djalli. Një humbje totale, e cila do të përfshinte qartazi edhe vetë lojtarin, i cili mund edhe të rilindë diku tjetër, por Milani do të kishte hedhur në erë miliona euro (për një vlerësim të destinuar të bjerë gjithnjë e më shumë) dhe dhjetëra gola dhe asiste për një të mirë më të madhe!? Por mos më pyesni se cili, sepse nuk e kam kuptuar meqenëse me një lojtar që sipas atyre që e urrejnë ecën në fushë, Milani në tre vitet e fundit diçka e ka bërë, pavarësisht mijëra vështirësive. Sot Djalli është vetëm 6 larg zonës së rënies nga kategoria dhe 11 pikë larg nga krerët e kampionatit, me gjysmën e tifozëve që gëzohen që lojtari i tyre, i cili u ka dhënë aq shumë gëzime, në periudhën e fundit është më në fund në stol, dhe gjysma tjetër, që në të kundërt, shpresojnë në një humbje kundër Monzas për të mos e parë më Fonsecën në stol. E gjithë kjo ndërkohë që çdo tifoz i Djallit pret sinjale nga lart.